قازاقستاندا مەملەكەتتٸك كەڭەسشٸ لاۋازىمى پايدا بولدى

پرەزيدەنت قاسىم-جومارت توقاەۆ قر مەملەكەتتٸك كەڭەسشٸسٸنٸڭ مەرتەبەسٸ مەن ٶكٸلەتتٸكتەرٸن ايقىندايتىن جارلىققا قول قويدى. ۇلت پورتالى وقىرمان نازارىنا جارلىقتىڭ تولىق مەتٸنٸن ۇسىنادى.

* * * 

قازاقستان رەسپۋبليكاسى مەملەكەتتٸك كەڭەسشٸسٸنٸڭ مەرتەبەسٸ مەن ٶكٸلەتتٸكتەرٸ, قازاقستان رەسپۋبليكاسى پرەزيدەنتٸنٸڭ كەيبٸر جارلىقتارىنا ٶزگەرٸستەر ەنگٸزۋ جەنە قازاقستان رەسپۋبليكاسى پرەزيدەنتٸنٸڭ كەيبٸر جارلىقتارىن كٷشٸ جويىلدى دەپ تانۋ تۋرالى

قازاقستان رەسپۋبليكاسى كونستيتۋتسيياسىنىڭ 44-بابىنىڭ 19) تارماقشاسىنا سەيكەس قاۋلى ەتەمٸن:

1. قازاقستان رەسپۋبليكاسىنىڭ مەملەكەتتٸك كەڭەسشٸسٸ (بۇدان ەرٸ – مەملەكەتتٸك كەڭەسشٸ) قازاقستان رەسپۋبليكاسىنىڭ پرەزيدەنتٸ لاۋازىمعا تاعايىندايتىن جەنە لاۋازىمنان بوساتاتىن قازاقستان رەسپۋبليكاسىنىڭ لاۋازىمدى ادامى بولىپ تابىلادى.

2. مەملەكەتتٸك كەڭەسشٸ ٶزٸنٸڭ قىزمەتٸن قازاقستان رەسپۋبليكاسى پرەزيدەنتٸنٸڭ تٸكەلەي باسشىلىعىمەن جٷزەگە اسىرادى, وعان ەسەپ بەرەدٸ جەنە باقىلاۋىندا بولادى.

3. مەملەكەتتٸك كەڭەسشٸ قىزمەتٸنٸڭ قۇقىقتىق نەگٸزٸن قازاقستان رەسپۋبليكاسىنىڭ كونستيتۋتسيياسى, زاڭدارى, وسى جارلىق جەنە قازاقستان رەسپۋبليكاسى پرەزيدەنتٸنٸڭ ٶزگە دە اكتٸلەرٸ قۇرايدى.

4. مەملەكەتتٸك كەڭەسشٸ مىناداي ٶكٸلەتتٸكتەردٸ جٷزەگە اسىرادى:

1) قازاقستان رەسپۋبليكاسىنىڭ پرەزيدەنتٸنە ٸشكٸ ساياسات سالاسى بويىنشا ستراتەگييالىق ۇسىنىستاردى تۇجىرىمدايدى;

2) مەملەكەت باسشىسىنىڭ تاپسىرماسىنا سەيكەس:

قازاقستان رەسپۋبليكاسىنىڭ پارلامەنتٸمەن جەنە ونىڭ پالاتالارىمەن, باسقا دا مەملەكەتتٸك ورگاندارمەن, ساياسي پارتييالارمەن جەنە قوعامدىق بٸرلەستٸكتەرمەن قارىم-قاتىناستاردا;

حالىقارالىق قارىم-قاتىناستاردا ٶكٸلدٸك ەتەدٸ;

3) مىنالاردى:

ەلەۋمەتتٸك-گۋمانيتارلىق سالا: بٸلٸم, عىلىم, مەدەنيەت جەنە سپورت مەسەلەلەرٸ بويىنشا قىزمەتتٸ ٷيلەستٸرەدٸ;

مەملەكەت باسشىسىنىڭ جانىنداعى كونسۋلتاتيۆتٸك-كەڭەسشٸ ورگانداردىڭ: سىبايلاس جەمقورلىققا قارسى ٸس-قيمىل مەسەلەلەرٸ جٶنٸندەگٸ كوميسسييانىڭ; مەملەكەتتٸك ناگرادالار جٶنٸندەگٸ كوميسسييانىڭ; ازاماتتىق مەسەلەلەرٸ جٶنٸندەگٸ كوميسسييانىڭ; مەملەكەتتٸك رەمٸزدەر مەن ۆەدومستۆولىق جەنە ولارعا تەڭەستٸرٸلگەن ٶزگە دە ناگرادالار گەرالديكاسى جٶنٸندەگٸ رەسپۋبليكالىق كوميسسييانىڭ; شەتەلدە كادرلار دايارلاۋ جٶنٸندەگٸ رەسپۋبليكالىق كوميسسييانىڭ; قازاقستان رەسپۋبليكاسىنىڭ ەل-فارابي اتىنداعى عىلىم مەن تەحنيكا سالاسىنداعى مەملەكەتتٸك سىيلىعىن بەرۋ جٶنٸندەگٸ كوميسسييانىڭ; قازاقستان رەسپۋبليكاسىنىڭ اباي اتىنداعى ەدەبيەت پەن ٶنەر سالاسىنداعى مەملەكەتتٸك سىيلىعىن بەرۋ جٶنٸندەگٸ كوميسسييانىڭ; قوعامدىق سانانى جاڭعىرتۋ باعدارلاماسىن ٸسكە اسىرۋ جٶنٸندەگٸ ۇلتتىق كوميسسييانىڭ; ساياسي قۋعىن-سٷرگٸن قۇرباندارىن تولىق اقتاۋ جٶنٸندەگٸ مەملەكەتتٸك كوميسسييانىڭ; ۇلتتىق قۇرىلتايدىڭ جەنە جاستار ساياساتى جٶنٸندەگٸ كەڭەستٸڭ قىزمەتٸن ٷيلەستٸرەدٸ;

4) قازاقستان رەسپۋبليكاسى پرەزيدەنتٸنٸڭ جانىنداعى قازاقستاننىڭ ستراتەگييالىق زەرتتەۋلەر ينستيتۋتىنىڭ قىزمەتٸنە جەتەكشٸلٸك ەتەدٸ, قوعامدىق دامۋ سالاسىنداعى مەملەكەتتٸك تالدامالىق قۇرىلىمداردىڭ جۇمىسىن ٷيلەستٸرەدٸ;

5) «تەۋەلسٸزدٸك ۇرپاقتارى» گرانتىن تاعايىنداۋ جٶنٸندەگٸ جۇمىستى ٷيلەستٸرەدٸ;

6) قازاقستان رەسپۋبليكاسى پرەزيدەنتٸنٸڭ تاپسىرمالارىنا سەيكەس ٶزگە دە ٶكٸلەتتٸكتەردٸ جٷزەگە اسىرادى.

5. وسى جارلىقتا بەلگٸلەنگەن ٶكٸلەتتٸكتەردٸ ٸسكە اسىرۋ ماقساتىندا مەملەكەتتٸك كەڭەسشٸ:

1) ٶكٸمدەر شىعارۋعا;

2) ٶزٸنٸڭ قۇزىرەتٸنە كٸرەتٸن مەسەلەلەر بويىنشا ورتالىق جەنە جەرگٸلٸكتٸ اتقارۋشى ورگاندارعا تاپسىرمالار بەرۋگە;

3) قازاقستان رەسپۋبليكاسى ٷكٸمەتٸنٸڭ, مەملەكەت باسشىسىنىڭ جانىنداعى كونسۋلتاتيۆتٸك-كەڭەسشٸ ورگانداردىڭ وتىرىستارىنا قاتىسۋعا;

4) ٶزٸنٸڭ قۇزىرەتٸنە كٸرەتٸن مەسەلەلەر بويىنشا مەملەكەتتٸك ورگاندار مەن لاۋازىمدى ادامداردان قاجەتتٸ اقپاراتتى, قۇجاتتار مەن باسقا دا ماتەريالداردى سۇراتۋعا جەنە الۋعا;

5) ٶزٸنٸڭ قۇزىرەتٸنە كٸرەتٸن مەسەلەلەر بويىنشا قازاقستان رەسپۋبليكاسىنىڭ پرەزيدەنتٸ اكتٸلەرٸنٸڭ جوبالارىن ەزٸرلەۋ, سونداي-اق مەملەكەت باسشىسى العا قويعان ٶزگە دە مٸندەتتەردٸ شەشۋ ٷشٸن ۆەدومستۆوارالىق جۇمىس توپتارىن قۇرۋعا قۇقىلى.

6. مەملەكەتتٸك كەڭەسشٸنٸڭ قىزمەتٸن ۇيىمدىق-قۇقىقتىق, اقپاراتتىق-تالدامالىق جەنە ٶزگەدەي قامتاماسىز ەتۋدٸ قازاقستان رەسپۋبليكاسى پرەزيدەنتٸنٸڭ ەكٸمشٸلٸگٸ جٷزەگە اسىرادى.

7. قوسا بەرٸلٸپ وتىرعان قازاقستان رەسپۋبليكاسى پرەزيدەنتٸنٸڭ كەيبٸر جارلىقتارىنا ەنگٸزٸلەتٸن ٶزگەرٸستەر بەكٸتٸلسٸن.

8. قازاقستان رەسپۋبليكاسىنىڭ ٷكٸمەتٸ, قازاقستان رەسپۋبليكاسى پرەزيدەنتٸنٸڭ ەكٸمشٸلٸگٸ, قازاقستان رەسپۋبليكاسى پرەزيدەنتٸنٸڭ ٸس باسقارماسى وسى جارلىقتان تۋىندايتىن شارالاردى بەلگٸلەنگەن تەرتٸپپەن قابىلداسىن.

9. وسى جارلىققا قوسىمشاعا سەيكەس قازاقستان رەسپۋبليكاسى پرەزيدەنتٸنٸڭ كەيبٸر جارلىقتارىنىڭ كٷشٸ جويىلدى دەپ تانىلسىن.

10. وسى جارلىق قول قويىلعان كٷنٸنەن باستاپ قولدانىسقا ەنگٸزٸلەدٸ.

قازاقستان رەسپۋبليكاسىنىڭ

   پرەزيدەنتٸ                                                                            ق.توقاەۆ

نۇر-سۇلتان, اقوردا, 2022 جىلعى 14 ماۋسىم 

قازاقستان رەسپۋبليكاسى پرەزيدەنتٸنٸڭ

2022 جىلعى 14 ماۋسىمداعى

№ 927 جارلىعىمەن 

بەكٸتٸلگەن

قازاقستان رەسپۋبليكاسى پرەزيدەنتٸنٸڭ

كەيبٸر جارلىقتارىنا ەنگٸزٸلەتٸن

ٶزگەرٸستەر

1. «قازاقستان رەسپۋبليكاسىنىڭ مەملەكەتتٸك پروتوكولىن بەكٸتۋ تۋرالى» قازاقستان رەسپۋبليكاسى پرەزيدەنتٸنٸڭ 2006 جىلعى 12 قازانداعى № 201 جارلىعىندا:

جوعارىدا اتالعان جارلىقپەن بەكٸتٸلگەن قازاقستان رەسپۋبليكاسىنىڭ مەملەكەتتٸك پروتوكولىندا:

98-تارماق مىناداي رەداكتسييادا جازىلسىن:

«98. سونداي-اق ۇلىقتاۋ رەسٸمٸنە قازاقستان رەسپۋبليكاسىنىڭ پرەمەر-مينيسترٸ, قازاقستان رەسپۋبليكاسىنىڭ مەملەكەتتٸك كەڭەسشٸسٸ جەنە پرەزيدەنت ەكٸمشٸلٸگٸنٸڭ باسشىسى, ٷكٸمەت مٷشەلەرٸ, قازاقستان رەسپۋبليكاسىنىڭ ٶزگە دە ورتالىق مەملەكەتتٸك ورگاندارىنىڭ باسشىلارى, وبلىستاردىڭ, رەسپۋبليكالىق ماڭىزى بار قالالاردىڭ جەنە استانانىڭ ەكٸمدەرٸ, شەت مەملەكەتتەر مەن ٷكٸمەتتەردٸڭ باسشىلارى, قازاقستاندا اككرەديتتەلگەن ديپلوماتييالىق كورپۋستىڭ ٶكٸلدەرٸ, قازاقستاندىق جەنە حالىقارالىق جۇرتشىلىقتىڭ, وتاندىق جەنە شەتەلدٸك باق-تىڭ ٶكٸلدەرٸ قاتىسۋعا قۇقىلى.»;

15-تاراۋدىڭ تاقىرىبىنداعى «حاتشىلارىنىڭ» دەگەن سٶز «كەڭەسشٸلەرٸنٸڭ» دەگەن سٶزبەن اۋىستىرىلسىن;

15-تاراۋدىڭ 2-پاراگرافىنىڭ تاقىرىبىنداعى «حاتشىلارىنىڭ» دەگەن سٶز «كەڭەسشٸلەرٸنٸڭ» دەگەن سٶزبەن اۋىستىرىلسىن;

156, 157 جەنە 159-تارماقتار مىناداي رەداكتسييادا جازىلسىن:

«156. مەملەكەتتٸك كەڭەسشٸلەردٸڭ قاتىسۋىمەن ٶتەتٸن حاتتامالىق ٸس-شارالار شەت مەملەكەتتٸڭ مەملەكەتتٸك قۇرىلىسىنداعى مەملەكەتتٸك كەڭەسشٸنٸڭ مەرتەبەسٸنە بايلانىستى ٶتكٸزٸلەدٸ.

157. قازاقستان رەسپۋبليكاسى مەملەكەتتٸك كەڭەسشٸسٸنٸڭ شاقىرۋى بويىنشا كەلەتٸن شەت مەملەكەتتەر مەملەكەتتٸك كەڭەسشٸلەرٸنٸڭ ساپارلارى قازاقستان رەسپۋبليكاسى مەملەكەتتٸك كەڭەسشٸسٸنٸڭ حاتشىلىعىندا بەكٸتٸلگەن باعدارلاما نەگٸزٸندە جٷزەگە اسىرىلادى.»;

«159. ساپاردىڭ ٸس-شارالارىنا قاتىساتىن قازاقستان رەسپۋبليكاسىنىڭ رەسمي تۇلعالارىنىڭ قۇرامىن سىرتقى ٸستەر مينيسترلٸگٸنٸڭ ۇسىنىسى بويىنشا قازاقستان رەسپۋبليكاسى مەملەكەتتٸك كەڭەسشٸسٸنٸڭ حاتشىلىعى ايقىندايدى.»;

16-تاراۋدىڭ تاقىرىبىنداعى «حاتشىسىنىڭ» دەگەن سٶز «كەڭەسشٸنٸڭ» دەگەن سٶزبەن اۋىستىرىلسىن;

178, 204, 207, 208 جەنە 209-تارماقتار مىناداي رەداكتسييادا جازىلسىن:

«178. قازاقستان رەسپۋبليكاسىنىڭ مەملەكەتتٸك كەڭەسشٸسٸ شەت ەلگە/شەت ەلدەن شىققان (كەلگەن) كەزدە ەۋەجايدا شىعارىپ سالۋعا (قارسى الۋعا) قازاقستان رەسپۋبليكاسىنىڭ مەملەكەتتٸك كەڭەسشٸسٸ حاتشىلىعىنىڭ تيٸستٸ قىزمەتكەرٸ قاتىسادى.

ساپار باعدارلاماسى سىرتقى ٸستەر مينيسترلٸگٸمەن بٸرلەسٸپ جاسالادى.

قازاقستان رەسپۋبليكاسى مەملەكەتتٸك كەڭەسشٸسٸنٸڭ ەل ٸشٸندەگٸ جۇمىس ساپارلارى كەزٸندە نۇر-سۇلتان قالاسىندا جەنە جەرگٸلٸكتٸ جەرلەردە شىعارىپ سالۋ (قارسى الۋ), بولۋ باعدارلاماسىن جاساۋ سيياقتى بٸرقاتار پروتوكولدىق ٸس-شارالاردى جٷرگٸزۋ جەنە قامتاماسىز ەتۋ كٶزدەلەدٸ.

قازاقستان رەسپۋبليكاسىنىڭ مەملەكەتتٸك كەڭەسشٸسٸ جۇمىس ساپارلارىنا (جۇمىس ساپارلارىنان) شىققان (كەلگەن) كەزدە ەۋەجايدا شىعارىپ سالۋعا (قارسى الۋعا) قازاقستان رەسپۋبليكاسىنىڭ مەملەكەتتٸك كەڭەسشٸسٸ حاتشىلىعىنىڭ تيٸستٸ قىزمەتكەرٸ قاتىسادى. جەرگٸلٸكتٸ جەرلەردە وبلىس ەكٸمٸ جەنە وبلىستىق ماڭىزى بار قالا ەكٸمٸ قارسى الادى (شىعارىپ سالادى).

قازاقستان رەسپۋبليكاسىنىڭ مەملەكەتتٸك كەڭەسشٸسٸ قاتىساتىن ٸس-شارالاردى, ونىڭ ٸشٸندە شەت مەملەكەتتەر ٶكٸلدەرٸمەن جۇمىس بابىنداعى كەزدەسۋلەر مەن ەڭگٸمەلەسۋلەردٸ قازاقستان رەسپۋبليكاسى مەملەكەتتٸك كەڭەسشٸسٸنٸڭ حاتشىلىعى بەلگٸلەنگەن تەرتٸپپەن جوسپارلايدى, كەلٸسەدٸ جەنە قامتاماسىز ەتەدٸ.»;

«204. قازاقستان رەسپۋبليكاسىنىڭ مەملەكەتتٸك كەڭەسشٸسٸنە سەنٸم گراموتالارىن تاپسىرۋ كەزٸندە شەت مەملەكەتتەردٸڭ قازاقستان رەسپۋبليكاسىندا قوسا اتقارۋشى بولىپ اككرەديتتەلگەن ەلشٸلەرٸ سىرتقى ٸستەر مينيسترلٸگٸنٸڭ مەملەكەتتٸك پروتوكول قىزمەتٸنٸڭ قىزمەتكەرلەرٸمەن بٸرگە اگرەمان بەرٸلگەن كٷنٸنە سەيكەس كەزەكپەن پرەزيدەنت سارايىنىڭ ورتالىق كٸرەبەرٸسٸنە كەلەدٸ.»;

«207. مەملەكەتتٸك كەڭەسشٸ «ٶرنەكتٸ حولعا» كٸرەدٸ جەنە ورتاعا كەلٸپ توقتايدى. شەت مەملەكەتتٸڭ ەلشٸسٸ زالدىڭ ورتاسىنا بەت الادى جەنە مەملەكەتتٸك كەڭەسشٸنٸڭ قارسى الدىنا كەلٸپ توقتايدى, قىسقاشا سەلەمدەسەدٸ جەنە سەنٸم گراموتالارىن تاپسىرادى. قول الىسادى جەنە سۋرەتكە تٷسەدٸ.»;

«208. سەنٸم گراموتالارىن تاپسىرعاننان كەيٸن مەملەكەتتٸك كەڭەسشٸ مەن شەت مەملەكەتتٸڭ ەلشٸسٸ قىسقاشا ەنگٸمەلەسۋ ٷشٸن قوناقتار بٶلمەسٸنە ٶتەدٸ.

209. رەسٸمگە سىرتقى ٸستەر مينيسترٸنٸڭ ورىنباسارى جەنە قازاقستان رەسپۋبليكاسىنىڭ مەملەكەتتٸك كەڭەسشٸسٸ حاتشىلىعىنىڭ تيٸستٸ قىزمەتكەرٸ قاتىسادى.»;

اتالعان جارلىقپەن بەكٸتٸلگەن قازاقستان رەسپۋبليكاسىنىڭ مەملەكەتتٸك پروتوكولىنا 1-قوسىمشادا:

5-تارماق مىناداي رەداكتسييادا جازىلسىن:

«5. مەملەكەتتٸك كەڭەسشٸ»;

اتالعان جارلىقپەن بەكٸتٸلگەن قازاقستان رەسپۋبليكاسىنىڭ مەملەكەتتٸك پروتوكولىنا 2-قوسىمشادا:

5-تارماق مىناداي رەداكتسييادا جازىلسىن:

«5. مەملەكەتتٸك كەڭەسشٸ».

2. «قازاقستان رەسپۋبليكاسى پرەزيدەنتٸ ەكٸمشٸلٸگٸنٸڭ شتات سانى مەن قۇرىلىمى تۋرالى» قازاقستان رەسپۋبليكاسى پرەزيدەنتٸنٸڭ 2008 جىلعى 11 اقپانداعى № 533 جارلىعىندا:

جوعارىدا اتالعان جارلىقپەن بەكٸتٸلگەن قازاقستان رەسپۋبليكاسى پرەزيدەنتٸ ەكٸمشٸلٸگٸنٸڭ قۇرىلىمىندا:

«مەملەكەتتٸك حاتشىنىڭ حاتشىلىعى» دەگەن جول مىناداي رەداكتسييادا جازىلسىن:

«مەملەكەتتٸك كەڭەسشٸنٸڭ حاتشىلىعى».

3. «قازاقستان رەسپۋبليكاسى پرەزيدەنتٸنٸڭ ەكٸمشٸلٸگٸ تۋرالى ەرەجەنٸ بەكٸتۋ تۋرالى» قازاقستان رەسپۋبليكاسى پرەزيدەنتٸنٸڭ 2008 جىلعى 11 ناۋرىزداعى № 552 جارلىعىندا:

جوعارىدا اتالعان جارلىقپەن بەكٸتٸلگەن قازاقستان رەسپۋبليكاسى پرەزيدەنتٸنٸڭ ەكٸمشٸلٸگٸ تۋرالى ەرەجەدە:

9-تارماقتىڭ 2) تارماقشاسى مىناداي رەداكتسييادا جازىلسىن:

«2) قازاقستان رەسپۋبليكاسى مەملەكەتتٸك كەڭەسشٸسٸنٸڭ (بۇدان ەرٸ – مەملەكەتتٸك كەڭەسشٸ), قازاقستان حالقى اسسامبلەياسىنىڭ جەنە پرەزيدەنت جانىنداعى كونسۋلتاتيۆتٸك-كەڭەسشٸ ورگانداردىڭ قىزمەتٸن قامتاماسىز ەتۋ;»;

22-تارماقتا:

8) جەنە 15) تارماقشالارداعى «حاتشىنىڭ» دەگەن سٶز «كەڭەسشٸنٸڭ» دەگەن سٶزبەن اۋىستىرىلسىن.

4. «قازاقستان رەسپۋبليكاسى پرەزيدەنتٸنٸڭ جولداۋىن دايىنداۋ جەنە ٸسكە اسىرۋ, اكتٸلەرٸمەن جەنە تاپسىرمالارىمەن جۇمىس ٸستەۋ جەنە ولاردىڭ ورىندالۋىن باقىلاۋدى جٷزەگە اسىرۋ, نورماتيۆتٸك قۇقىقتىق جارلىقتارعا مونيتورينگ جٷرگٸزۋ قاعيدالارىن بەكٸتۋ تۋرالى» قازاقستان رەسپۋبليكاسى پرەزيدەنتٸنٸڭ 2010 جىلعى 27 سەۋٸردەگٸ № 976 جارلىعىندا:

جوعارىدا اتالعان جارلىقپەن بەكٸتٸلگەن قازاقستان رەسپۋبليكاسى پرەزيدەنتٸنٸڭ جولداۋىن دايىنداۋ جەنە ٸسكە اسىرۋ, اكتٸلەرٸمەن جەنە تاپسىرمالارىمەن جۇمىس ٸستەۋ جەنە ولاردىڭ ورىندالۋىن باقىلاۋدى جٷزەگە اسىرۋ, نورماتيۆتٸك قۇقىقتىق جارلىقتارعا مونيتورينگ جٷرگٸزۋ قاعيدالارىندا:

24-تارماقتىڭ بەسٸنشٸ بٶلٸگٸ مىناداي رەداكتسييادا جازىلسىن:

«قاجەت بولعان كەزدە پرەزيدەنت اكتٸسٸنٸڭ جوباسىنا قازاقستان رەسپۋبليكاسىنىڭ مەملەكەتتٸك كەڭەسشٸسٸ, پرەزيدەنتتٸڭ كەڭەسشٸسٸ ەلەكتروندىق تٷردە ۆيزا قويادى.»;

71 جەنە 78-تارماقتار مىناداي رەداكتسييادا جازىلسىن:

«71. وسى قاعيدالاردىڭ 42-تارماعىنىڭ 5) تارماقشاسىندا كٶرسەتٸلگەن قىزمەتتٸك جەنە ٶزگە دە قۇجاتتار بويىنشا پرەزيدەنتتٸڭ قازاقستان رەسپۋبليكاسىنىڭ مەملەكەتتٸك كەڭەسشٸسٸنە جەكە بەرٸلگەن جەنە پرەزيدەنتتٸ جەكە حاباردار ەتۋدٸ تالاپ ەتپەيتٸن تاپسىرمالارىنىڭ ورىندالۋ مەرزٸمدەرٸن ۇزارتۋ, ورتا مەرزٸمدٸ جەنە ۇزاق مەرزٸمدٸ باقىلاۋعا اۋىستىرۋ, جاڭا ورىنداۋ

مەرزٸمٸن بەلگٸلەۋ قازاقستان رەسپۋبليكاسى مەملەكەتتٸك كەڭەسشٸسٸنٸڭ شەشٸمٸمەن جٷزەگە اسىرىلۋى مٷمكٸن.»;

«78. وسى قاعيدالاردىڭ 42-تارماعىنىڭ 5) تارماقشاسىندا كٶرسەتٸلگەن قىزمەتتٸك جەنە ٶزگە دە قۇجاتتار بويىنشا پرەزيدەنتتٸڭ قازاقستان رەسپۋبليكاسىنىڭ مەملەكەتتٸك كەڭەسشٸسٸنە جەكە بەرٸلگەن جەنە پرەزيدەنتتٸ جەكە حاباردار ەتۋدٸ تالاپ ەتپەيتٸن تاپسىرمالارىن باقىلاۋدان الۋ قازاقستان رەسپۋبليكاسى مەملەكەتتٸك كەڭەسشٸسٸنٸڭ شەشٸمٸمەن جٷزەگە اسىرىلۋى مٷمكٸن.».

5. «مەملەكەتتٸك ساياسي جەنە ەكٸمشٸلٸك قىزمەتشٸلەر لاۋازىمدارىنىڭ تٸزٸلٸمٸن بەكٸتۋ تۋرالى» قازاقستان رەسپۋبليكاسى پرەزيدەنتٸنٸڭ 2015 جىلعى 29 جەلتوقسانداعى № 150 جارلىعىندا:

جوعارىدا اتالعان جارلىقپەن بەكٸتٸلگەن مەملەكەتتٸك ساياسي جەنە ەكٸمشٸلٸك قىزمەتشٸلەر لاۋازىمدارىنىڭ تٸزٸلٸمٸندە:

«1-تاراۋ. مەملەكەتتٸك ساياسي لاۋازىمدار» دەگەن تاراۋدا:

«قازاقستان رەسپۋبليكاسىنىڭ مەملەكەتتٸك حاتشىسى» دەگەن جول مىناداي رەداكتسييادا جازىلسىن:

«قازاقستان رەسپۋبليكاسىنىڭ مەملەكەتتٸك كەڭەسشٸسٸ». 

6. «مەملەكەتتٸك ساياسي قىزمەتشٸلەردٸڭ جۇمىسىن باعالاۋدى جٷرگٸزەتٸن ۋەكٸلەتتٸ ادامداردىڭ تٸزبەسٸن بەكٸتۋ تۋرالى» قازاقستان رەسپۋبليكاسى پرەزيدەنتٸنٸڭ 2016 جىلعى 4 شٸلدەدەگٸ № 295 جارلىعىندا:

جوعارىدا اتالعان جارلىقپەن بەكٸتٸلگەن مەملەكەتتٸك ساياسي قىزمەتشٸلەردٸڭ جۇمىسىن باعالاۋدى جٷرگٸزەتٸن ۋەكٸلەتتٸ ادامداردىڭ تٸزبەسٸندە:

مىنا جول:

مىناداي رەداكتسييادا جازىلسىن:

قازاقستان رەسپۋبليكاسى

پرەزيدەنتٸنٸڭ

2022 جىلعى 14 ماۋسىمداعى

№ 927 جارلىعىنا

قوسىمشا

قازاقستان رەسپۋبليكاسى پرەزيدەنتٸنٸڭ

كٷشٸ جويىلعان كەيبٸر جارلىقتارىنىڭ

تٸزبەسٸ

1. «قازاقستان رەسپۋبليكاسى مەملەكەتتٸك حاتشىسىنىڭ مەرتەبەسٸ مەن ٶكٸلەتتٸكتەرٸ تۋرالى» قازاقستان رەسپۋبليكاسى پرەزيدەنتٸنٸڭ 2007 جىلعى 13 تامىزداعى № 379 جارلىعى.

2. «قازاقستان رەسپۋبليكاسى پرەزيدەنتٸنٸڭ كەيبٸر اكتٸلەرٸنە ٶزگەرٸستەر ەنگٸزۋ تۋرالى» قازاقستان رەسپۋبليكاسى پرەزيدەنتٸنٸڭ 2014 جىلعى 18 سەۋٸردەگٸ № 806 جارلىعىنىڭ 1-تارماعىنىڭ 2) تارماقشاسى.

3. قازاقستان رەسپۋبليكاسى پرەزيدەنتٸنٸڭ 2014 جىلعى 18 قاراشاداعى № 960 جارلىعىمەن بەكٸتٸلگەن قازاقستان رەسپۋبليكاسى پرەزيدەنتٸنٸڭ كەيبٸر اكتٸلەرٸنە ەنگٸزٸلەتٸن ٶزگەرٸستەردٸڭ 3-تارماعى.

4. قازاقستان رەسپۋبليكاسى پرەزيدەنتٸنٸڭ 2017 جىلعى 5 مامىرداعى № 471 جارلىعىمەن بەكٸتٸلگەن قازاقستان رەسپۋبليكاسى پرەزيدەنتٸنٸڭ كەيبٸر اكتٸلەرٸنە ەنگٸزٸلەتٸن ٶزگەرٸستەر مەن تولىقتىرۋلاردىڭ 1-تارماعى.

5. «قازاقستان رەسپۋبليكاسى مەملەكەتتٸك حاتشىسىنىڭ مەرتەبەسٸ مەن ٶكٸلەتتٸكتەرٸ تۋرالى» قازاقستان رەسپۋبليكاسى پرەزيدەنتٸنٸڭ 2007 جىلعى 13 تامىزداعى № 379 جارلىعىنا ٶزگەرٸس پەن تولىقتىرۋ ەنگٸزۋ تۋرالى» قازاقستان رەسپۋبليكاسى پرەزيدەنتٸنٸڭ 2019 جىلعى 13 سەۋٸردەگٸ № 23 جارلىعى.

6. «قازاقستان رەسپۋبليكاسى پرەزيدەنتٸنٸڭ كەيبٸر جارلىقتارىنا ٶزگەرٸستەر ەنگٸزۋ تۋرالى» قازاقستان رەسپۋبليكاسى پرەزيدەنتٸنٸڭ 2019 جىلعى 12 قازانداعى № 187 جارلىعى.

7. «قازاقستان رەسپۋبليكاسى مەملەكەتتٸك حاتشىسىنىڭ مەرتەبەسٸ مەن ٶكٸلەتتٸكتەرٸ تۋرالى» قازاقستان رەسپۋبليكاسى پرەزيدەنتٸنٸڭ 2007 جىلعى 13 تامىزداعى № 379 جارلىعىنا ٶزگەرٸس ەنگٸزۋ تۋرالى» قازاقستان رەسپۋبليكاسى پرەزيدەنتٸنٸڭ 2022 جىلعى 25 قاڭتارداعى № 787 جارلىعى.