Qazaqstanda memlekettik biýdjetti josparlaý elektrondy formatqa kóshirilmek. Bul týraly QR Qarjy-vitse-ministri Rýslan Eńsebaev aitty, dep habarlaidy QazAqparat.
«Qazir biz barlyq biýdjettik protsesterdi ótpeli tsifrlandyrý boiynsha úlken keshendi jumys júrgizip jatyrmyz. Aitalyq, árbir kezeńde árbir fakti boiynsha tikelei onlain rejimde «tsifrlyq izder« birden tirkelip otyrady jáne málimetter, esep-qisaptar ashyq derekózderinde, onyń ishinde «Ashyq biýdjetter« portalynda avtomatty túrde jariialanady», - dedi vitse-ministr Aqparatqa qol jetkizý máseleleri jónindegi komissiianyń otyrysynda.
Onyń atap ótýinshe, atalǵan jumystardyń nátijesinde memlekettik josparlaý tiimdiligin arttyrý, biýdjettik josparlaý ashyqtyǵyn qamtamasyz etý, keri bailanysty tiimdiligin jaqsartý mindetteri sheshiletin bolady.
«Sońǵy 2 jylda biýdjettik josparlaýdyń avtomattandyrylǵan júiesin engizý boiynsha aýqymdy jumys júrgizildi. Biyl 2021-2023 jyldardyń biýdjetin josparlaýdy qaǵazsyz elektrondy túrde júzege asyrýǵa niettenip otyrmyz. Búginde bul júieni Qarjy ministrliginiń jáne ózge de memlekettik organdardyń túrli júielerimen yqpaldastyryp jatyrmyz. Qazirgi ýaqytta «Ashyq biýdjetter« portalymen málimetterdi yqpaldastyrý boiynsha jumystar jasaýdamyz. Onda biýdjettik ótinimder, sonymen qatar biýdjet jobasy avtomatty túrde portalda jariialanatyn bolady» - dedi Rýslan Eńsebaev.
Aita keteiik, Aida Balaevanyń tóraǵalyǵymen onlain formatta ótken Aqparatqa qol jetkizý máseleleri jónindegi komissiianyń otyrysynda múmkindigi shekteýli adamdardyń aqparatqa qol jetkizý máseleleri, memlekettik organdardyń ashyqtyq deńgeiin jyl saiynǵy baǵalaýdyń negizgi qorytyndylary, memlekettik organdardyń internet-resýrstarynyń biryńǵai tuǵyrnamasynyń jumysy, sondai-aq «Ashyq biýdjetter» portalyn jetildirý boiynsha jumys josparynyń oryndalýy talqylandy.
