Qazaqstanda mektep qabyrǵasynda hidjabpen birge qysqa beldemshe kiiýge de tyiym salynýy múmkin.
"Habar 24" arnasynyń málimetinshe, bul týraly Qoǵamdyq damý ministrliginiń ókilderi málimdegen, dep jazady sputniknews.kz.
Ázirge bul usynysty Bilim jáne ǵylym ministrligi qarastyryp jatyr. Jyl basynan beri el mektepterinde hidjab kietin 2 jarym myń qyz bala oqyp jatqany anyqtaldy. Olardyń ata-analarymen tyǵyz jumys júrgizilgennen keiin, bul kórsetkish kúrt tómendedi. Sondai-aq endi el turǵyndary kóshede betin jaýyp júre almaityn bolady. Mundai sheshim qaýipsizdik sharalaryn qamtamasyz etý maqsatynda qabyldandy.
Senat depýtattary komitet otyrysynda tiisti zań jobasyn qoldady.
"Biz jańalyq ashyp otyrǵan joqpyz. Eýropa elderinde ondai normalar zańǵa engizilgen. Eń birinshiden, qaýipsizdik turǵysynan qajetti nárse. Bul jerde tek balaklava, parandja, niqabty aityp otyrǵan joqpyz", — dedi QR qoǵamdyq damý ministriniń orynbasary Berik Aryn.
