Qazaqstanda mainingke arnalǵan salyq salýdyń jańa túri engizilmek. Bul týraly «Qazaqstandaǵy tsifrlyq aktivter týraly» zań jobasyn talqylaý barysynda QR Qarjy birinshi vitse-ministri Marat Sultanǵaziev aitty, dep habarlaidy QazAqparat.
«Mainingtik qyzmetti shekteitin bolamyz. Óitkeni, búginde oǵan eshqandaishekteý joq jáne eskertý sipatyna ǵana ie. Iaǵni, qandai da bir ókiletti organ mainingti basqaratyn málimdese, onda ol sonymen ainalysa alady. Al is júzinde olardy anyqtaý óte kúrdeli. Tek elektr energiiasynyń shyǵyny, odan keiin saraptamalar jasaý arqyly ǵana anyqtaýǵa bolady. Qazir data-ortalyqtardy qospaǵanda qalǵan barlyq qyzmet zańsyz sanalady. Salyq salý bóliginde quramdastyrylǵan mólsherleme, quramdastyrylǵan salyq bolady. Bul mólsherlemeni arttyrady. Qazir 1 kilovatt 1 teńge bolsa, onda ony biz 5 teńgege deiin ulǵaitýdy kózdeimiz», - dedi birinshi vitse-ministr.
Osy rette ol usynylyp otyrǵan salyq salý tetikterin túsindirip berdi.
«Sonymen qatar tsifrlyq mainingke arnalǵan salyqtyń jekelegen túrin engiziledi. Atap aitqanda, tsifrlyq mainingke arnalǵan qural-jabdyqtarǵa – 10 AEK, videokartaǵa – 1 AEK, tizimdegi ózge qural-jabdyqtarǵa – 10AEK. Esep-qisaby toqsan saiyn jasalady jáne tólem de toqsan saiyn júrgiziledi. Eger elektr energiiasyn tutynbasa, biraq mainingke arnalǵan qural-jabdyqtar ornatsa, onda oǵan kazinodaǵydai salyq júredi. Kazinodaǵy árbir ústelge qyzmetin júzege asyrǵanyna qaramastan salyq tólenedi», - dedi Marat Sultanǵaziev.
