© Sputnik / Kseniia Voronina
Ishki ister ministri Marat Ahmetjanov elimizde mastardy aiyqtyratyn oryndar óte az ekenin málimdedi, dep habarlaidy Sputnik Qazaqstan.
Onyń aitýynsha, kúndelikti ómirde qylmystardyń kóbi mas kúide jasalady. Olardy oqshaýlaý máselesi áli sheshilgen joq.
"Elimiz boiynsha 778 orynǵa arnalǵan 35 ýaqytsha beiimdeý jáne detoksikatsiia ortalyǵy jumys isteidi. Bul óte az", - dedi Ahmetjanov Úkimet otyrysynda.
Mysaly, Óskemende 20 tósek-orynǵa arnalǵan bir ǵana mekeme jumys isteidi. Politseiler jetkizgen 7 myń quqyqbuzýshynyń 5 myńy ǵana ornalastyrylǵan. Sol siiaqty Pavlodarda 24 tósek-orny bar bir ǵana mekeme bar. Al Kókshetaýda múlde joq.
"Jalpy elimiz boiynsha 594 orynǵa arnalǵan taǵy 32 mekeme qajet", - dedi ol.
Aitýynsha, májbúrlep emdeýdi qajet etetin sozylmaly "maskúnemder" úshin de tósek-oryn tapshylyǵy bar. Elimiz boiynsha bar-joǵy 20 ǵana mamandandyrylǵan narkologiialyq mekeme jumys isteidi. Bul rette, olarǵa azamattardy jiberý protsedýrasy asa biýrokratiiaǵa ainalyp ketken.
"Al, narkologiialyq mekemelerdiń meditsina qyzmetkerleri men narkologtar tiisti sheshim qabyldaǵysy kelmeidi. Nátijesinde, politseiler kóbinese bul máselemen tek ózderi júgiredi. Tipti óziniń jeke qarajatyn jumsaýǵa májbúr", dedi ministr.
