© Sputnik / كسەنييا ۆورونينا
ٸشكٸ ٸستەر مينيسترٸ مارات احمەتجانوۆ ەلٸمٸزدە ماستاردى ايىقتىراتىن ورىندار ٶتە از ەكەنٸن مەلٸمدەدٸ, دەپ حابارلايدى Sputnik قازاقستان.
ونىڭ ايتۋىنشا, كٷندەلٸكتٸ ٶمٸردە قىلمىستاردىڭ كٶبٸ ماس كٷيدە جاسالادى. ولاردى وقشاۋلاۋ مەسەلەسٸ ەلٸ شەشٸلگەن جوق.
"ەلٸمٸز بويىنشا 778 ورىنعا ارنالعان 35 ۋاقىتشا بەيٸمدەۋ جەنە دەتوكسيكاتسييا ورتالىعى جۇمىس ٸستەيدٸ. بۇل ٶتە از", - دەدٸ احمەتجانوۆ ٷكٸمەت وتىرىسىندا.
مىسالى, ٶسكەمەندە 20 تٶسەك-ورىنعا ارنالعان بٸر عانا مەكەمە جۇمىس ٸستەيدٸ. پوليتسەيلەر جەتكٸزگەن 7 مىڭ قۇقىقبۇزۋشىنىڭ 5 مىڭى عانا ورنالاستىرىلعان. سول سيياقتى پاۆلوداردا 24 تٶسەك-ورنى بار بٸر عانا مەكەمە بار. ال كٶكشەتاۋدا مٷلدە جوق.
"جالپى ەلٸمٸز بويىنشا 594 ورىنعا ارنالعان تاعى 32 مەكەمە قاجەت", - دەدٸ ول.
ايتۋىنشا, مەجبٷرلەپ ەمدەۋدٸ قاجەت ەتەتٸن سوزىلمالى "ماسكٷنەمدەر" ٷشٸن دە تٶسەك-ورىن تاپشىلىعى بار. ەلٸمٸز بويىنشا بار-جوعى 20 عانا مامانداندىرىلعان ناركولوگييالىق مەكەمە جۇمىس ٸستەيدٸ. بۇل رەتتە, ولارعا ازاماتتاردى جٸبەرۋ پروتسەدۋراسى اسا بيۋروكراتيياعا اينالىپ كەتكەن.
"ال, ناركولوگييالىق مەكەمەلەردٸڭ مەديتسينا قىزمەتكەرلەرٸ مەن ناركولوگتار تيٸستٸ شەشٸم قابىلداعىسى كەلمەيدٸ. نەتيجەسٸندە, پوليتسەيلەر كٶبٸنەسە بۇل مەسەلەمەن تەك ٶزدەرٸ جٷگٸرەدٸ. تٸپتٸ ٶزٸنٸڭ جەكە قاراجاتىن جۇمساۋعا مەجبٷر", دەدٸ مينيستر.
