Qazaqstan Dúniejúzilik saýda uiymynyń 12-shi ministrlik konferentsiiasynyń negizgi basymdyqtaryn belgiledi, dep habarlaidy "Ult aqparat".
29 qańtarda Qazaqstannyń Saýda jáne integratsiia ministri Baqyt Sultanov Shveitsariia Úkimeti uiymdastyrǵan virtýaldy formattaǵy Dúniejúzilik saýda uiymyna múshe elderdiń saýda ministrleriniń beiresmi kezdesýine qatysty.
Ministrler DSU-nyń 12-shi ministrlik konferentsiianyń negizgi basymdyqtaryn pandemiia kezinde týyndaǵan daǵdarysty qalpyna keltirýge járdemdesý maqsatynda, sondai-aq uiymnyń ózekti kún tártibi boiynsha mańyzdy nátijelerge qol jetkizý úshin qajetti jaǵdailardy, onyń ishinde balyq aýlaýdy sýbsidiialaý jónindegi kelisim boiynsha kelissózderdi aiaqtaý úshin jinaldy.
Is-sharany Shveitsariia Prezidenti Gi Parmelin ashty, sondai-aq Eýropalyq Odaqtyń Saýda jónindegi komissary V. Dombrovskis, Reseidiń Ekonomikalyq damý ministri M. Reshetnikov, Qytaidyń Kommertsiia ministri V. Van, Koreia Respýblikasynyń Saýda ministri M. Iu, DSU Bas direktorynyń orynbasary A.Výlf sóz sóiledi.
Jalpy, is-shara 36 eldiń saýda ministrleri men DSU janyndaǵy ókildikter basshylarynyń qatysýymen ótti.
Qazaqstannyń Saýda jáne integratsiia ministri Baqyt Sultanov óz sózinde kópjaqty saýda júiesi úshin jahandyq pandemiia kezeńinde DSU-ny reformalaý boiynsha jumysty jandandyrý jáne aǵymdaǵy kelissózderde mańyzdy progreske qol jetkizý boiynsha birlesken kúsh-jigerdiń mańyzdy ekenin atap ótti.
B.Sultanov DSU sot organynyń qyzmetin tolyq qalpyna keltirý jáne apelliatsiialyq organnyń qyzmetin odan ári jaqsartý qajettigin atap ótti.
Álemdik ekonomika men saýdany qalpyna keltirýge, sondai-aq daǵdarystan keiingi ýaqytta ornyqty jahandyq ekonomikalyq ósýge elektrondyq saýda, investitsiialarǵa járdemdesý, sondai-aq kórsetiletin qyzmetterdi ishki retteý salasyndaǵy jańa jahandyq saýda qaǵidalary yqpal etetin bolady.
Atap aitqanda, Ministr pandemiianyń elektrondyq saýdany damytý úshin eleýli áleýetti jáne biznes pen tutynýshylar úshin ósip kele jatqan múmkindikterdi anyqtaǵanyn atap ótti.
Elektrondyq saýda boiynsha jańa kelisimdi ázirleý qarqyndy júrgizilýde jáne MK-12 barysynda osy baǵyttaǵy naqty sheshimder úshin jaqsy perspektivalar bar.
Bul sala Qazaqstan ekonomikasynda da qarqyndy damyp keledi.
Atap aitqanda, karantindik sharalar kezeńinde elektrondyq saýda neǵurlym utymdy sektorǵa ainaldy, sonyń nátijesinde 2020 jyldyń birinshi 1-shi jartyjyldyǵynda elektrondyq saýda naryǵynyń kólemi 435 mlrd.teńgeni qurady.
DSU-nyń elektrondyq saýda salasyndaǵy jańa kelisimi osy saladaǵy qazaqstandyq zańnamany jáne tsifrlyq infraqurylymdy elektrondyq saýdadaǵy jańa jahandyq standarttarǵa sáikes jetildirýge múmkindik beretinin atap ótý mańyzdy.
DSU-nyń kórsetiletin qyzmetter salasyn ishki retteý jónindegi jańa pliýrilateraldyq qaǵidalary kórsetiletin qyzmetter salasyndaǵy qyzmetti júrgizý sharttarynyń ashyqtyǵyn arttyrý arqyly (ruqsat berý jáne litsenziialyq rásimderdi jetildirý jáne kórsetiletin qyzmetter salasyndaǵy kedergilerdi joiý jónindegi sharalar) boljamdy iskerlik ahýaldy qamtamasyz etýge baǵyttalǵan.
Ministr Qazaqstan DSU-nyń aldaǵy konferentsiia barysynda kelissózderdiń tabysty aiaqtaýǵa jáne qyzmetter salasyndaǵy jańa erejelerdiń qabyldanýyna eleýli úles qosyp otyrǵanyn málimdedi, osyǵan bailanysty jaqynda uiymǵa bolashaq erejelerdi implementatsiialaityn óziniń qyzmetter tizbesin usyndy.
Osylaisha, biz DSU-nyń basqa 60 múshesine qosyldyq, olardyń úlesine jiyntyǵynda álemdik qyzmetter saýdasynyń 73% tiesili.
Ministr kórsetiletin qyzmetter salasyndaǵy jańa erejeler investitsiialyq ahýaldy jaqsartýǵa jáne kórsetiletin qyzmetter salasyn damytýǵa yqpal etetinin atap ótti.
Qazaqstan DSU-ǵa kirgen sátten bastap sońǵy úsh jylda kórsetiletin qyzmetter salasyna sheteldik investitsiia tartýda oń trend baiqalady, olar 30% deiin ulǵaidy.
Jalpy, Qazaqstannyń JIÓ-degi qyzmetter sektorynyń úlesi shamamen 56% quraidy.
Budan basqa, DSU-ǵa kirý kezinde jáne 5 jyldyq ótpeli kezeń aiaqtalǵannan keiin qabyldanǵan qarjy sektoryndaǵy mindettemelerdi oryndaý retinde 2020 jylǵy 16 jeltoqsannan bastap Qazaqstan sheteldik investorlarǵa enshiles kompaniialarmen qatar elde jumys isteý úshin bankter men saqtandyrý uiymdarynyń tikelei filialdaryn ashýǵa múmkindik beredi.
DSU-nyń kórsetiletin qyzmetter salasyndaǵy jańa qaǵidalary qarjy sektoryndaǵy normativtik retteýdiń transparenttiligin arttyrýǵa múmkindik beredi.
Budan basqa, Qazaqstan teńizge shyǵatyn joly joq iri el, sondai-aq teńizge shyǵatyn joly joq damýshy elderdiń jahandyq tobynyń tóraǵasy bola otyryp, osy elder tobynyń múddelerin qorǵaýdy qamtamasyz etýge erekshe múddeli, osyǵan bailanysty balyq aýlaýdy sýbsidiialaý jónindegi kópjaqty kelisim boiynsha kelissózder aiaqtaýǵa shaqyrady.
Balyq aýlaýdy sýbsidiialaý jónindegi kelisimniń negizgi mindeti zańsyz, tirkelmeitin jáne rettelmeitin balyq aýlaýǵa bailanysty balyq aýlaýǵa sýbsidiialardy, sondai-aq balyqty shamadan tys aýlaýǵa yqpal etetin sýbsidiialardy qoldanýǵa tyiym salý bolyp tabylady.
