Shenchjen BIT Mining Limited aktsionerlik kompaniiasy Qazaqstanǵa kriptovaliýta óndirýge arnalǵan jabdyqtardyń alǵashqy partiiasy sátti jetkizilgenin jariialady, - dep habarlaidy Tengrinews.kz.
Kompaniia aqparaty boiynsha, 320 mashinadan turatyn alǵashqy partiia heshreitpen qamtamasyz etilýi kerek (kriptovaliýta óndirýge arnalǵan jabdyqtyń qýaty ólshenetin qondyrǵy - eskert.). Ol 2021 jyldyń 27 maýsymyna deiin ornalastyrylyp, paidalanýǵa beriledi.
Jalpy jyldamdyǵy 102,3 PH/s bolatyn 2600 qondyrǵynyń ekinshi jáne úshinshi partiiasy Qazaqstanǵa 2021 jyldyń 1 shildesine deiin jetkiziledi dep kútiledi.
"Biz qorshaǵan ortany qorǵaýǵa jáne kómirqyshqyl gazynyń shyǵarylýyn azaitýǵa tyrysamyz. Kásiporynnyń ósý strategiiasy sheńberinde shetelde qyzmetimizdi strategiialyq turǵydan keńeitemiz. Tehas pen Qazaqstanǵa kriptovaliýta mainingi úshin derekterdi óńdeý ortalyqtaryna salǵan investitsiiamyzdan keiin óndiristi jedeldetemiz", - dedi BIT Mining bas direktory Sianfen Ian.
BIT Mining Limited - kriptovaliýta indýstriiasynda uzaq merzimdi qundylyqty qurý strategiiasy bar jetekshi kompaniia.
2021 jylǵy mamyrda Qazaqstanda tsifrlyq mainingke salyq engiziletini habarlanǵan bolatyn. Májilis 12 mamyrda maquldaǵan "Salyq jáne biýdjetke tólenetin basqa da mindetti tólemder týraly" kodekske tolyqtyrýlar engizý týraly" zań jobasynda tiisti túzetýler kózdelgen.
