شەنچجەن BIT Mining Limited اكتسيونەرلٸك كومپانيياسى قازاقستانعا كريپتوۆاليۋتا ٶندٸرۋگە ارنالعان جابدىقتاردىڭ العاشقى پارتيياسى سەتتٸ جەتكٸزٸلگەنٸن جارييالادى, - دەپ حابارلايدى Tengrinews.kz.
كومپانييا اقپاراتى بويىنشا, 320 ماشينادان تۇراتىن العاشقى پارتييا حەشرەيتپەن قامتاماسىز ەتٸلۋٸ كەرەك (كريپتوۆاليۋتا ٶندٸرۋگە ارنالعان جابدىقتىڭ قۋاتى ٶلشەنەتٸن قوندىرعى - ەسكەرت.). ول 2021 جىلدىڭ 27 ماۋسىمىنا دەيٸن ورنالاستىرىلىپ, پايدالانۋعا بەرٸلەدٸ.
جالپى جىلدامدىعى 102,3 PH/s بولاتىن 2600 قوندىرعىنىڭ ەكٸنشٸ جەنە ٷشٸنشٸ پارتيياسى قازاقستانعا 2021 جىلدىڭ 1 شٸلدەسٸنە دەيٸن جەتكٸزٸلەدٸ دەپ كٷتٸلەدٸ.
"بٸز قورشاعان ورتانى قورعاۋعا جەنە كٶمٸرقىشقىل گازىنىڭ شىعارىلۋىن ازايتۋعا تىرىسامىز. كەسٸپورىننىڭ ٶسۋ ستراتەگيياسى شەڭبەرٸندە شەتەلدە قىزمەتٸمٸزدٸ ستراتەگييالىق تۇرعىدان كەڭەيتەمٸز. تەحاس پەن قازاقستانعا كريپتوۆاليۋتا ماينينگٸ ٷشٸن دەرەكتەردٸ ٶڭدەۋ ورتالىقتارىنا سالعان ينۆەستيتسييامىزدان كەيٸن ٶندٸرٸستٸ جەدەلدەتەمٸز", - دەدٸ BIT Mining باس ديرەكتورى سيانفەن يان.
BIT Mining Limited - كريپتوۆاليۋتا يندۋستريياسىندا ۇزاق مەرزٸمدٸ قۇندىلىقتى قۇرۋ ستراتەگيياسى بار جەتەكشٸ كومپانييا.
2021 جىلعى مامىردا قازاقستاندا تسيفرلىق ماينينگكە سالىق ەنگٸزٸلەتٸنٸ حابارلانعان بولاتىن. مەجٸلٸس 12 مامىردا ماقۇلداعان "سالىق جەنە بيۋدجەتكە تٶلەنەتٸن باسقا دا مٸندەتتٸ تٶلەمدەر تۋرالى" كودەكسكە تولىقتىرۋلار ەنگٸزۋ تۋرالى" زاڭ جوباسىندا تيٸستٸ تٷزەتۋلەر كٶزدەلگەن.
