Elimizde birneshe qysqy sport túri boiynsha arnaiy baǵdarlama ázirleý kerektigi aityldy, dep habarlaidy QazAqparat.
«Fristaildan akrobatikany elimizde burynnan bar, damyǵan sport túri dep aita almaimyz. Degenmen sońǵy jyldary sportshylarymyz jaqsy nátije kórsetip júr. Alǵa jyljý bar, buǵan deiingi olimpiadadan 20-shy oryndar alyp júrse, Beijiń olimpiadasynda Aqmarjan qyzymyz 11 oryn alsa, Janbota 13-shi bolyp keldi. Úlken jetistikke jetý úshin áli de jumys isteý kerek», - dedi Qazaqstannyń ulttyq olimpiada komiteti sport direktsiiasynyń direktory Elsiiar Qanaǵatov Beijińmen tikelei efirde ótken baspasóz máslihatynda.
Sondai-aq, ulttyq olimpiada komitetiniń ókili Qazaqstanda fristaildan akrobatika sport túrin damyta túsý kerektigin eske saldy.
«Atalǵan sport túrin buqaralyq etý jaǵyn qarastyrý kerek. Sebebi chempiondar halyqtyń arasynan shyǵady. Balalar sportyn jetildire túsken jón. Belgili bir sport túrine kishkentaiynan baýlý qajet. Ol úshin sporttyq mektepterdiń sanyn kóbeitip, jattyqtyrýshylarǵa jaǵdai jasalýy tiis. Ásirese balalardyń daiyndaityn sport jattyqtyrýshylaryna nazar aýdarylsa. Fristaildan akrobatika, fristail-mogýl, konki, short-trek bolashaǵy bar qysqy sport. Ol úshin arnaiy baǵdarlama ázirleý, sol arqyly ilgerilete túsken abzal», - deidi ol.
