ەلٸمٸزدە بٸرنەشە قىسقى سپورت تٷرٸ بويىنشا ارنايى باعدارلاما ەزٸرلەۋ كەرەكتٸگٸ ايتىلدى, دەپ حابارلايدى قازاقپارات.
«فريستايلدان اكروباتيكانى ەلٸمٸزدە بۇرىننان بار, دامىعان سپورت تٷرٸ دەپ ايتا المايمىز. دەگەنمەن سوڭعى جىلدارى سپورتشىلارىمىز جاقسى نەتيجە كٶرسەتٸپ جٷر. العا جىلجۋ بار, بۇعان دەيٸنگٸ وليمپيادادان 20-شى ورىندار الىپ جٷرسە, بەيجٸڭ وليمپياداسىندا اقمارجان قىزىمىز 11 ورىن السا, جانبوتا 13-شٸ بولىپ كەلدٸ. ٷلكەن جەتٸستٸككە جەتۋ ٷشٸن ەلٸ دە جۇمىس ٸستەۋ كەرەك», - دەدٸ قازاقستاننىڭ ۇلتتىق وليمپيادا كوميتەتٸ سپورت ديرەكتسيياسىنىڭ ديرەكتورى ەلسييار قاناعاتوۆ بەيجٸڭمەن تٸكەلەي ەفيردە ٶتكەن باسپاسٶز مەسليحاتىندا.
سونداي-اق, ۇلتتىق وليمپيادا كوميتەتٸنٸڭ ٶكٸلٸ قازاقستاندا فريستايلدان اكروباتيكا سپورت تٷرٸن دامىتا تٷسۋ كەرەكتٸگٸن ەسكە سالدى.
«اتالعان سپورت تٷرٸن بۇقارالىق ەتۋ جاعىن قاراستىرۋ كەرەك. سەبەبٸ چەمپيوندار حالىقتىڭ اراسىنان شىعادى. بالالار سپورتىن جەتٸلدٸرە تٷسكەن جٶن. بەلگٸلٸ بٸر سپورت تٷرٸنە كٸشكەنتايىنان باۋلۋ قاجەت. ول ٷشٸن سپورتتىق مەكتەپتەردٸڭ سانىن كٶبەيتٸپ, جاتتىقتىرۋشىلارعا جاعداي جاسالۋى تيٸس. ەسٸرەسە بالالاردىڭ دايىندايتىن سپورت جاتتىقتىرۋشىلارىنا نازار اۋدارىلسا. فريستايلدان اكروباتيكا, فريستايل-موگۋل, كونكي, شورت-ترەك بولاشاعى بار قىسقى سپورت. ول ٷشٸن ارنايى باعدارلاما ەزٸرلەۋ, سول ارقىلى ٸلگەرٸلەتە تٷسكەن ابزال», - دەيدٸ ول.
