Qazaqstanda COVID-19 aýrýynyń táýliktik ósimi 4 paiyzdan 1,7 paiyzǵa tómendedi, dep habarlaidy "Ult aqparat".
«Memleket basshysy tapsyrmasymen osy jyldyń 5 maýsymynan bastap koronavirýstyń taralýyna bailanysty Qazaqstan boiynsha jariialanǵan qatań sharalar kezeńi óz nátijesin berdi. Búgingi tańda aýrýdyń táýliktik ósimi 4 paiyzdan 1,7 paiyzǵa tómendedi. Dertten jazylǵandardyń sany 66 paiyzǵa jetti. Jedel járdemderdi shaqyrý sany 40 paiyzǵa, onyń ishinde koronavirýsqa bailanysty shaqyrý 52 paiyzǵa azaidy. Aýrýhanalardaǵy jatatyn oryndardyń qoldaný deńgeii 90 paiyzdan 40 paiyzǵa tómendep otyr. Osyǵan bailanysty jeti óńirde qosymsha 15 provizorlyq statsionar jabyldy. Jedel járdem shaqyrǵandardyń sany 40 paiyzǵa, onyń ishinde pnevmoniia boiynsha 35 paiyzǵa tómendedi», - dedi Úkimet basshysynyń orynbasary Eraly Toǵjanov OKQ-daǵy baspasóz máslihatynda.
Onyń aitýynsha, aýrýhanalar men emhanalarda bir ailyq dári-dármek qory qurylyp, bólshek saýda naryǵyn qoldaý úshin shetelden 10 millionǵa jýyq dári-dármek jetkizilgen.
Eske sala ketsek, keshe Memleket basshysy Qasym-Jomart Toqaev epidemiologiialyq ahýaldy turaqtandyrý jóninde keńes ótkizip, karantin sharalaryn eki aptaǵa uzartýdy tapsyrǵan bolatyn.
