قازاقستاندا COVID-19 اۋرۋىنىڭ تەۋلٸكتٸك ٶسٸمٸ 4 پايىزدان 1,7 پايىزعا تٶمەندەدٸ, دەپ حابارلايدى "ۇلت اقپارات".
«مەملەكەت باسشىسى تاپسىرماسىمەن وسى جىلدىڭ 5 ماۋسىمىنان باستاپ كوروناۆيرۋستىڭ تارالۋىنا بايلانىستى قازاقستان بويىنشا جارييالانعان قاتاڭ شارالار كەزەڭٸ ٶز نەتيجەسٸن بەردٸ. بٷگٸنگٸ تاڭدا اۋرۋدىڭ تەۋلٸكتٸك ٶسٸمٸ 4 پايىزدان 1,7 پايىزعا تٶمەندەدٸ. دەرتتەن جازىلعانداردىڭ سانى 66 پايىزعا جەتتٸ. جەدەل جەردەمدەردٸ شاقىرۋ سانى 40 پايىزعا, ونىڭ ٸشٸندە كوروناۆيرۋسقا بايلانىستى شاقىرۋ 52 پايىزعا ازايدى. اۋرۋحانالارداعى جاتاتىن ورىنداردىڭ قولدانۋ دەڭگەيٸ 90 پايىزدان 40 پايىزعا تٶمەندەپ وتىر. وسىعان بايلانىستى جەتٸ ٶڭٸردە قوسىمشا 15 پروۆيزورلىق ستاتسيونار جابىلدى. جەدەل جەردەم شاقىرعانداردىڭ سانى 40 پايىزعا, ونىڭ ٸشٸندە پنەۆمونييا بويىنشا 35 پايىزعا تٶمەندەدٸ», - دەدٸ ٷكٸمەت باسشىسىنىڭ ورىنباسارى ەرالى توعجانوۆ وكق-داعى باسپاسٶز مەسليحاتىندا.
ونىڭ ايتۋىنشا, اۋرۋحانالار مەن ەمحانالاردا بٸر ايلىق دەرٸ-دەرمەك قورى قۇرىلىپ, بٶلشەك ساۋدا نارىعىن قولداۋ ٷشٸن شەتەلدەن 10 ميلليونعا جۋىق دەرٸ-دەرمەك جەتكٸزٸلگەن.
ەسكە سالا كەتسەك, كەشە مەملەكەت باسشىسى قاسىم-جومارت توقاەۆ ەپيدەميولوگييالىق احۋالدى تۇراقتاندىرۋ جٶنٸندە كەڭەس ٶتكٸزٸپ, كارانتين شارالارىن ەكٸ اپتاعا ۇزارتۋدى تاپسىرعان بولاتىن.
