Qazaqstandyq epidemiologtar osy kúzde elimizde koronavirýstyń ekinshi ret órshýi múmkin ekenin boljap otyr, - dep habarlaidy «Eýraziia» birinshi arnasy.
Densaýlyq saqtaý ministri Eljan Birtanovpen videokonferentsiia ótkizgen epidemiolog-ǵalymdardyń pikirinshe, koronavirýs infektsiiasy kúzde tumaýmen birge qaita órshýi yqtimal. Sarapshylar osy sebepti halyqtyń kóbine tumaýǵa qarsy vaktsina jasalýy kerektigin aitady.
«Maýsymdyq gipotezany qazir eshkim joqqa shyǵaryp otyrǵan joq. Maýsymdyq jaǵdaida tumaý qatty júrmeýi yqtimal. Tiisinshe jazda epidemiia jalǵasýy múmkin. Kúzde de ol ary qarai kezdese beredi», - deidi S.Aspendiiarov atyndaǵy qazaq ulttyq meditsina ýniversitetiniń zertteý jumystary boiynsha prorektory Baýyrjan Júsipov.
COVID-19 aýrýyn zertteý úshin qazaqstandyq ǵalymdar biomaterialdar bankin qurýdy usynyp otyr. Telearnanyń habarlaýynsha, Qazaqstanda koronavirýs juqtyrǵandardy san jaǵynan altynshy hattamamen emdeýde.
Ǵalymdarmen kezdesý barysynda ministr Ulttyq infektsiialyq aýrýlar ortalyǵyn qurý týraly sóz qozǵaǵan.
