قازاقستاندىق ەپيدەميولوگتار وسى كٷزدە ەلٸمٸزدە كوروناۆيرۋستىڭ ەكٸنشٸ رەت ٶرشۋٸ مٷمكٸن ەكەنٸن بولجاپ وتىر, - دەپ حابارلايدى «ەۋرازييا» بٸرٸنشٸ ارناسى.
دەنساۋلىق ساقتاۋ مينيسترٸ ەلجان بٸرتانوۆپەن ۆيدەوكونفەرەنتسييا ٶتكٸزگەن ەپيدەميولوگ-عالىمداردىڭ پٸكٸرٸنشە, كوروناۆيرۋس ينفەكتسيياسى كٷزدە تۇماۋمەن بٸرگە قايتا ٶرشۋٸ ىقتيمال. ساراپشىلار وسى سەبەپتٸ حالىقتىڭ كٶبٸنە تۇماۋعا قارسى ۆاكتسينا جاسالۋى كەرەكتٸگٸن ايتادى.
«ماۋسىمدىق گيپوتەزانى قازٸر ەشكٸم جوققا شىعارىپ وتىرعان جوق. ماۋسىمدىق جاعدايدا تۇماۋ قاتتى جٷرمەۋٸ ىقتيمال. تيٸسٸنشە جازدا ەپيدەمييا جالعاسۋى مٷمكٸن. كٷزدە دە ول ارى قاراي كەزدەسە بەرەدٸ», - دەيدٸ س.اسپەنديياروۆ اتىنداعى قازاق ۇلتتىق مەديتسينا ۋنيۆەرسيتەتٸنٸڭ زەرتتەۋ جۇمىستارى بويىنشا پرورەكتورى باۋىرجان جٷسٸپوۆ.
COVID-19 اۋرۋىن زەرتتەۋ ٷشٸن قازاقستاندىق عالىمدار بيوماتەريالدار بانكٸن قۇرۋدى ۇسىنىپ وتىر. تەلەارنانىڭ حابارلاۋىنشا, قازاقستاندا كوروناۆيرۋس جۇقتىرعانداردى سان جاعىنان التىنشى حاتتامامەن ەمدەۋدە.
عالىمدارمەن كەزدەسۋ بارىسىندا مينيستر ۇلتتىق ينفەكتسييالىق اۋرۋلار ورتالىعىن قۇرۋ تۋرالى سٶز قوزعاعان.
