Qazaqstanda kúnkóris minimýmy bir aida 2 paiyzǵa ósti, dep habarlaidy "Ult aqparat" finprom.kz saityna silteme jasap.
«Kúnkóris minimýmy bir aida 3 paiyzǵa, al bir jyl ishinde 14 paiyzǵa derlik ósti. Bul rette ailyq infliatsiia deńgeii - 1, al jyldyq infliatsiia 6 paiyz boldy. El boiynsha eń tómengi kúnkóris minimýmymy Batys Qazaqstan oblysynda tirkeldi. Kósh basyndaǵy elordamen alshaqtyq 22 paiyzdan joǵary» - delingen taratylǵan aqparatta.
QR Ulttyq ekonomika ministrligi Statistika komitetiniń málimetinde, Qazaqstan boiynsha halyqtyń jan basyna shaqqandaǵy kúnkórisiniń eń tómengi shamasy 31,6 myń teńgeni qurap, 2020 jyldyń naýryzymen salystyrǵanda 2,8 paiyzǵa jáne 2019 jyldyń sáýirimen salystyrǵanda 13,5 paiyzǵa artty.
Esterińizge sala ketsek, 1 sáýirden bastap Qazaqstanda ailyq eseptik kórsetkish mólsheri ulǵaitylyp, 2 778 teńgeni qurady. Al jyl basynda ol 2 651 teńgege artqan bolatyn. Bul óz kezeinde kúnkóris minimýmynyń da ósýine ákeldi. Sonymen qatar AEK-ke bailanysty eń tómengi jalaqy, tómengi zeinetaqy mólsheri de artty.
Kúnkóris minimýmynyń eń úlken somasy elordada 36,4 myń teńge bolsa, odan keiingi orynda turǵan Mańǵystaý oblysynda 36,2 myń, Almatyda 35,2 myń teńgeni quraidy. Al eń tómengi soma Batys Qazaqstan (28,2 myń teńge), Aqtóbe (28,37 myń teńge) jáne Pavlodar oblystarynda (28,48 myń teńge) tirkelgen.
