Qazaqstanda 2020 jyldyń qańtarynda jan basyna eseptegende kúnkóris minimýmy 30 myń teńgege jetip, 11,6 paiyz ósimdi kórsetip otyr, dep habarlaidy "Ult aqparat" finprom.kz zertteýine silteme jasap.
Zertteýge súiensek, týra bir jyl burynǵy kórsetkish 26,9 myń teńge bolyp, jyldyq ósim 4 paiyzdy quraǵan.
«Biyl qańtar aiynda taýarlar men qyzmetterdiń baǵasy ótken jyldyń qańtar aiymen salystyrǵanda 5,6 paiyzǵa ósti. Onyń ishinde azyq-túlik taýarlarynyń baǵasy 9,2 paiyz, azyq-túlikke jatpaityn taýarlar 5,2 paiyz, aqyly qyzmetter 1,4 paiyz deńgeige ósti. Eń joǵary kúnkóris minimýmy burynǵysha Mańǵystaý oblysynda - 35,4 myń teńgelik deńgeide. Bul búkil el boiynsha ortasha deńgeiden 18 paiyzǵa joǵary kórsetkish», - delingen zertteý qorytyndysynda.
Kónkóris minimýmynyń mólsheri boiynsha úzdik úshtikti Nur-Sultan qalasy (33,5 myń tg) men Almaty (33,1 myń tg) túiindeidi. Úzdik bestik sapynda sonymen qatar Almaty (30,7 myń) men Túrkistan (30,3 myń) oblystary tur. Jalpy elde alty óńirde kúnkóris minimýmynyń mólsheri ortasha respýblikalyq deńgeiden joǵary.
Al kúnkóris minimýmynyń tómengi deńgeii Pavlodar (26,3 myń tg), Batys Qazaqstan (26,9 myń tg) jáne Aqtóbe (27,2 myń tg) oblystarynda baiqalady.
