قازاقستاندا 2020 جىلدىڭ قاڭتارىندا جان باسىنا ەسەپتەگەندە كٷنكٶرٸس مينيمۋمى 30 مىڭ تەڭگەگە جەتٸپ, 11,6 پايىز ٶسٸمدٸ كٶرسەتٸپ وتىر, دەپ حابارلايدى "ۇلت اقپارات" finprom.kz زەرتتەۋٸنە سٸلتەمە جاساپ.
زەرتتەۋگە سٷيەنسەك, تۋرا بٸر جىل بۇرىنعى كٶرسەتكٸش 26,9 مىڭ تەڭگە بولىپ, جىلدىق ٶسٸم 4 پايىزدى قۇراعان.
«بيىل قاڭتار ايىندا تاۋارلار مەن قىزمەتتەردٸڭ باعاسى ٶتكەن جىلدىڭ قاڭتار ايىمەن سالىستىرعاندا 5,6 پايىزعا ٶستٸ. ونىڭ ٸشٸندە ازىق-تٷلٸك تاۋارلارىنىڭ باعاسى 9,2 پايىز, ازىق-تٷلٸككە جاتپايتىن تاۋارلار 5,2 پايىز, اقىلى قىزمەتتەر 1,4 پايىز دەڭگەيگە ٶستٸ. ەڭ جوعارى كٷنكٶرٸس مينيمۋمى بۇرىنعىشا ماڭعىستاۋ وبلىسىندا - 35,4 مىڭ تەڭگەلٸك دەڭگەيدە. بۇل بٷكٸل ەل بويىنشا ورتاشا دەڭگەيدەن 18 پايىزعا جوعارى كٶرسەتكٸش», - دەلٸنگەن زەرتتەۋ قورىتىندىسىندا.
كٶنكٶرٸس مينيمۋمىنىڭ مٶلشەرٸ بويىنشا ٷزدٸك ٷشتٸكتٸ نۇر-سۇلتان قالاسى (33,5 مىڭ تگ) مەن الماتى (33,1 مىڭ تگ) تٷيٸندەيدٸ. ٷزدٸك بەستٸك ساپىندا سونىمەن قاتار الماتى (30,7 مىڭ) مەن تٷركٸستان (30,3 مىڭ) وبلىستارى تۇر. جالپى ەلدە التى ٶڭٸردە كٷنكٶرٸس مينيمۋمىنىڭ مٶلشەرٸ ورتاشا رەسپۋبليكالىق دەڭگەيدەن جوعارى.
ال كٷنكٶرٸس مينيمۋمىنىڭ تٶمەنگٸ دەڭگەيٸ پاۆلودار (26,3 مىڭ تگ), باتىس قازاقستان (26,9 مىڭ تگ) جەنە اقتٶبە (27,2 مىڭ تگ) وبلىستارىندا بايقالادى.
