Qazgidromet sinoptikteri 15-17 qarashadaǵy aýa raiyn jariialady, - dep habarlaidy "Ult aqparat".
Sinoptikterdiń málimetinshe, respýblikanyń aýa-raiyna áli de Atlantikalyq tsiklon óz áserin tigizedi, jaýyn-shashyn, eldiń soltústiginde, ortalyǵynda, ońtústiginde qatty jaýyn-shashyn (jańbyr, qar) boljanady.
Respýblika boiynsha burqasyn, kóktaiǵaq, tuman, qatty ekpindi jel 15-28 m/s saqtalady, 15 qarashada Qaraǵandy jáne Jambyl oblystarynda 30 m/s jáne odan da asa qatty jel kútiledi.
"Aptanyń sońynda Soltústik-batys antitsiklonynyń enýimen jaýyn-shashynnyń toqtaýy jáne temperatýra fony tómendeidi dep kútilip otyr. Aýa temperatýrasy túnde soltústik, soltústik-batys, shyǵys jáne ortalyqta 10-20 aiazǵa deiin, al ońtústik, ońtústik-shyǵysta 2-10 aiaz, taýly aimaqtarda 10-15 aiazǵa deiin tómendeýi kútiledi", - delingen habarlamada.
