Elimizdiń kriminogendik jaǵdaiy turaqty. Bul týraly halyqqa esep berý kezdesýinde Ishki ister ministri Erlan Turǵymbaev aitty, dep habarlaidy QazAqparat tilshisi.
«Jalpy alǵanda elimizdiń kriminogendik jaǵdaiy turaqty, baqylaýda. Jyl basynan beri qylmys sany 9 paiyzǵa qysqardy (110 myńǵa deiin). Sonyń ishinde asa aýyr qylmystar 7,7 paiyzǵa, aýyrlyǵy ortasha qylmys 12,4 paiyzǵa jáne aýyr emes qylmystardyń sany 4,7%-ǵa qylmystar azaidy. Kisi óltirý, qaraqshylyq shabýyl, tonaý, urlyq, buzaqylyqtar da tómendedi», - dedi Erlan Turǵymbaev.
Ministrdiń aitýnsha, kóshelerde jáne qoǵamdyq oryndarda, sondai-aq jasóspirimder tarapynan, mas kúiinde jasalǵan jáne atys qarýyn qoldanǵan qylmystardyń sany da qysqardy.
«Osy jyly ministrlik úshin - erekshe jyl. Elbasy men Memleket basshysynyń tapsyrmasy boiynsha biz salany jańǵyrtý baǵyttarynda birshama jumys júrgizip jatyrmyz», - dedi ministr.
Sondai-aq, Erlan Turǵymbaev qazaqstandyqtar óz úiinde kimniń qashan tirkelip, shyǵyp ketkenin mobildik qosymsha arqyly bile alatynyn aitty.
«Ishki ister ministrligine quqyq qorǵaý mindetimen birge azamattarǵa memlekettik qyzmetterdi usyný júktelgen. Qazirgi tańda biz osyndai qyzmetterdiń 40 túrin kórsetemiz. 2018 jyly ǵana halyqqa 17 mln qyzmet kórsettik. Jyl basynan beri 6 mln qyzmet kórsetildi. Olardyń basym kópshiligi migratsiiaǵa, jeke kýálik pen pasportty resimdeýge, turǵylyqty mekenjaiǵa tirkeý jáne jol qozǵalysy boiynsha avtokólikti tirkeýge, júrgizýshiler kýáligin alýǵa qatysty qyzmetter. 5 mln tarta qyzmet memlekettik korporatsiia men 1 mln qyzmet elektrondy úkimet arqyly kórsetildi», - dedi Erlan Turǵymbaev halyqqa esep berý kezdesýinde.
Ministrdiń aitýyna qaraǵanda, ótken jyly aqparattyq júielerdiń integratsiialanýy aiaqtalyp, elektrondy úi kitapshasy ázirlengen.
«Endigi kezekte úidiń qojaiyny óziniń páterinde kimderdiń tirkelgenin arnaiy HQO-lardan ǵana emes, mobildi úkimet (egov.kz) servisi arqyly telefonynan jáne planshetinen bile alady. Demek, eshqaida shyqpai-aq mobildik qosymsha arqyly azamattar óz úiinde kimniń qashan tirkelgenin, qashan shyǵyp ketkenin bile alady», - dedi ministr.
