ەلٸمٸزدٸڭ كريمينوگەندٸك جاعدايى تۇراقتى. بۇل تۋرالى حالىققا ەسەپ بەرۋ كەزدەسۋٸندە ٸشكٸ ٸستەر مينيسترٸ ەرلان تۇرعىمباەۆ ايتتى, دەپ حابارلايدى قازاقپارات تٸلشٸسٸ.
«جالپى العاندا ەلٸمٸزدٸڭ كريمينوگەندٸك جاعدايى تۇراقتى, باقىلاۋدا. جىل باسىنان بەرٸ قىلمىس سانى 9 پايىزعا قىسقاردى (110 مىڭعا دەيٸن). سونىڭ ٸشٸندە اسا اۋىر قىلمىستار 7,7 پايىزعا, اۋىرلىعى ورتاشا قىلمىس 12,4 پايىزعا جەنە اۋىر ەمەس قىلمىستاردىڭ سانى 4,7%-عا قىلمىستار ازايدى. كٸسٸ ٶلتٸرۋ, قاراقشىلىق شابۋىل, توناۋ, ۇرلىق, بۇزاقىلىقتار دا تٶمەندەدٸ», - دەدٸ ەرلان تۇرعىمباەۆ.
مينيستردٸڭ ايتۋنشا, كٶشەلەردە جەنە قوعامدىق ورىنداردا, سونداي-اق جاسٶسپٸرٸمدەر تاراپىنان, ماس كٷيٸندە جاسالعان جەنە اتىس قارۋىن قولدانعان قىلمىستاردىڭ سانى دا قىسقاردى.
«وسى جىلى مينيسترلٸك ٷشٸن - ەرەكشە جىل. ەلباسى مەن مەملەكەت باسشىسىنىڭ تاپسىرماسى بويىنشا بٸز سالانى جاڭعىرتۋ باعىتتارىندا بٸرشاما جۇمىس جٷرگٸزٸپ جاتىرمىز», - دەدٸ مينيستر.
سونداي-اق, ەرلان تۇرعىمباەۆ قازاقستاندىقتار ٶز ٷيٸندە كٸمنٸڭ قاشان تٸركەلٸپ, شىعىپ كەتكەنٸن موبيلدٸك قوسىمشا ارقىلى بٸلە الاتىنىن ايتتى.
«ٸشكٸ ٸستەر مينيسترلٸگٸنە قۇقىق قورعاۋ مٸندەتٸمەن بٸرگە ازاماتتارعا مەملەكەتتٸك قىزمەتتەردٸ ۇسىنۋ جٷكتەلگەن. قازٸرگٸ تاڭدا بٸز وسىنداي قىزمەتتەردٸڭ 40 تٷرٸن كٶرسەتەمٸز. 2018 جىلى عانا حالىققا 17 ملن قىزمەت كٶرسەتتٸك. جىل باسىنان بەرٸ 6 ملن قىزمەت كٶرسەتٸلدٸ. ولاردىڭ باسىم كٶپشٸلٸگٸ ميگراتسيياعا, جەكە كۋەلٸك پەن پاسپورتتى رەسٸمدەۋگە, تۇرعىلىقتى مەكەنجايعا تٸركەۋ جەنە جول قوزعالىسى بويىنشا اۆتوكٶلٸكتٸ تٸركەۋگە, جٷرگٸزۋشٸلەر كۋەلٸگٸن الۋعا قاتىستى قىزمەتتەر. 5 ملن تارتا قىزمەت مەملەكەتتٸك كورپوراتسييا مەن 1 ملن قىزمەت ەلەكتروندى ٷكٸمەت ارقىلى كٶرسەتٸلدٸ», - دەدٸ ەرلان تۇرعىمباەۆ حالىققا ەسەپ بەرۋ كەزدەسۋٸندە.
مينيستردٸڭ ايتۋىنا قاراعاندا, ٶتكەن جىلى اقپاراتتىق جٷيەلەردٸڭ ينتەگراتسييالانۋى اياقتالىپ, ەلەكتروندى ٷي كٸتاپشاسى ەزٸرلەنگەن.
«ەندٸگٸ كەزەكتە ٷيدٸڭ قوجايىنى ٶزٸنٸڭ پەتەرٸندە كٸمدەردٸڭ تٸركەلگەنٸن ارنايى حقو-لاردان عانا ەمەس, موبيلدٸ ٷكٸمەت (egov.kz) سەرۆيسٸ ارقىلى تەلەفونىنان جەنە پلانشەتٸنەن بٸلە الادى. دەمەك, ەشقايدا شىقپاي-اق موبيلدٸك قوسىمشا ارقىلى ازاماتتار ٶز ٷيٸندە كٸمنٸڭ قاشان تٸركەلگەنٸن, قاشان شىعىپ كەتكەنٸن بٸلە الادى», - دەدٸ مينيستر.
