2022 jylǵa deiin qosymsha 15 áýejaidy qalpyna keltirý jumystary júrgiziledi. Bul týraly Parlament Senatynda kólik-logistikalyq qyzmetterdi damytýǵa arnalǵan dóńgelek ústel otyrysynda QR Indýstriia jáne infraqurylymdyq damý vitse-ministri Berik Kamaliev aitty, dep habarlaidy QazAqparat.
«Jergilikti áýe jelileri men áýejailary jaǵdaiyn jaqsartý mańyzdy. Búginde Qostanai áýejaiyndaǵy ushý-qoný jolaǵyn jańartý jumystaryn júrgizýdemiz. 2020 jylǵa deiin elimizdiń barlyq áýejailaryndaǵy ushý-qoný jolaqtaryn qaita jóndeýden ótkizýdi aiaqtaý josparlanyp otyr», - dedi vitse-ministr.
Onyń sózine qaraǵanda, qazirgi kezde jergilikti mańyzdaǵy Úrjar, Úsharal, Zaisan áýejailary qyzmet kórsetýde. Baianaýylda da ushý-qoný jolaǵyn jańartý jumystary aiaqtalýda.
«Bizde 500 mln teńge somasyndaǵy smetalyq qujatnamanyń tiptik jobasy bar. Osy oraida jergilikti áýe jelilerin qalpyna keltirý úshin ony jergilikti ákimdikterge joldadyq. 2022 jylǵa deiin qosymsha 15 áýejaidy qalpyna keltirýdi josparǵa engizdik», - dedi B. Kamaliev.
