Foto: QR IIM
Kazaqstanda kórshiles memleketterde izdeýde júrgen sheteldik qylmyskerler ustaldy, – dep habarlaidy Polisia.kz.
QR IIM kriminaldyq politsiia departamentiniń bastyǵy Qanat Nurmaǵambetovtiń esebine sai, Túrkistan oblysynda Resei Federatsiiasynyń Samara qalasynda 2023 jyldyń sáýir aiynda óziniń tanysyn óltirgeni úshin izdeýde júrgen Tájikstan Respýblikasynyń azamaty ustalǵan. Ol 2023 jyldyń qazan aiynan beri izdeýde bolǵan.
Al Almaty oblysy Qaskelen qalasynda 2021-2023 jyldar aralyǵynda Tashkent oblysynda kóppáterli úilerdi jóndeý barysynda jalǵan qujattardy usyný arqyly alaiaqtyq jolmen 180 mln 476 myń som qarajatyn iemdengen Ózbekstan Respýblikasynyń azamaty ustaldy.
Ol 2023 jyldyń qarasha aiynan beri izdeýde bolǵan.
Almaty qalasynda Bishkekte óziniń ógei qyzyn zorlaǵany úshin 47 jastaǵy Túrkiia Respýblikasynyń azamaty ustaldy. Qyrǵyz Respýblikasynyń quqyq qorǵaý organdarymen izdeýde bolǵan. Qyzylorda qalasynda 2022 jyly Resei Federatsiiasynyń Sochi qalasynyń turǵynynan aldaý arqyly 1 mln resei rýblin alyp, óz qajettiligine jumsap jibergen 30 jastaǵy Resei Federatsiiasynyń azamaty ustaldy. Osy jyldyń sáýir aiynan bastap izdeýde bolǵan. Qabyldanǵan sharalar nátijesinde IIM qyzmetkerleri izdeýde júrgen 1495 qylmyskerdi ustap, 1000-nan astam habar osharsyz ketken azamattyń júrgen jerlerin anyqtady. Sondai-aq elimizdiń aýmaǵynda shet elderde izdeýde júrgen 642 qylmysker ustaldy.
