فوتو: قر ٸٸم
كازاقستاندا كٶرشٸلەس مەملەكەتتەردە ٸزدەۋدە جٷرگەن شەتەلدٸك قىلمىسكەرلەر ۇستالدى, – دەپ حابارلايدى Polisia.kz.
قر ٸٸم كريمينالدىق پوليتسييا دەپارتامەنتٸنٸڭ باستىعى قانات نۇرماعامبەتوۆتٸڭ ەسەبٸنە ساي, تٷركٸستان وبلىسىندا رەسەي فەدەراتسيياسىنىڭ سامارا قالاسىندا 2023 جىلدىڭ سەۋٸر ايىندا ٶزٸنٸڭ تانىسىن ٶلتٸرگەنٸ ٷشٸن ٸزدەۋدە جٷرگەن تەجٸكستان رەسپۋبليكاسىنىڭ ازاماتى ۇستالعان. ول 2023 جىلدىڭ قازان ايىنان بەرٸ ٸزدەۋدە بولعان.
ال الماتى وبلىسى قاسكەلەن قالاسىندا 2021-2023 جىلدار ارالىعىندا تاشكەنت وبلىسىندا كٶپپەتەرلٸ ٷيلەردٸ جٶندەۋ بارىسىندا جالعان قۇجاتتاردى ۇسىنۋ ارقىلى الاياقتىق جولمەن 180 ملن 476 مىڭ سوم قاراجاتىن يەمدەنگەن ٶزبەكستان رەسپۋبليكاسىنىڭ ازاماتى ۇستالدى.
ول 2023 جىلدىڭ قاراشا ايىنان بەرٸ ٸزدەۋدە بولعان.
الماتى قالاسىندا بٸشكەكتە ٶزٸنٸڭ ٶگەي قىزىن زورلاعانى ٷشٸن 47 جاستاعى تٷركييا رەسپۋبليكاسىنىڭ ازاماتى ۇستالدى. قىرعىز رەسپۋبليكاسىنىڭ قۇقىق قورعاۋ ورگاندارىمەن ٸزدەۋدە بولعان. قىزىلوردا قالاسىندا 2022 جىلى رەسەي فەدەراتسيياسىنىڭ سوچي قالاسىنىڭ تۇرعىنىنان الداۋ ارقىلى 1 ملن رەسەي رۋبلٸن الىپ, ٶز قاجەتتٸلٸگٸنە جۇمساپ جٸبەرگەن 30 جاستاعى رەسەي فەدەراتسيياسىنىڭ ازاماتى ۇستالدى. وسى جىلدىڭ سەۋٸر ايىنان باستاپ ٸزدەۋدە بولعان. قابىلدانعان شارالار نەتيجەسٸندە ٸٸم قىزمەتكەرلەرٸ ٸزدەۋدە جٷرگەن 1495 قىلمىسكەردٸ ۇستاپ, 1000-نان استام حابار وشارسىز كەتكەن ازاماتتىڭ جٷرگەن جەرلەرٸن انىقتادى. سونداي-اق ەلٸمٸزدٸڭ اۋماعىندا شەت ەلدەردە ٸزدەۋدە جٷرگەن 642 قىلمىسكەر ۇستالدى.
