Qazaqstanda 13 qańtarda 10 418 adamnan koronavirýs anyqtalǵan. Indet bastalǵaly beri mundai kórsetkish tirkelmegen. Byltyr jazda elde indet ýshyǵyp, aýrýhanalar tolǵan kezde kúnine 8 myńnan astam adamnan koronavirýs anyqtalǵan edi. Beisenbi kúni 1279 adam koronavirýstan jazylǵan, dep habarlaidy Azattyq.
10 418 naýqas tómendegi aimaqtardan anyqtalǵan:
- Nur-Sultanda – 5 548
- Almatyda – 1 115
- Shymkentte – 370
- Aqmola oblysynda –290
- Aqtóbe oblysynda – 323
- Almaty oblysynda – 257
- Atyraý oblysynda – 437
- Shyǵys Qazaqstan oblysynda – 31
- Jambyl oblysynda – 104
- Batys Qazaqstan oblysynda – 186
- Qaraǵandy oblysynda – 820
- Qostanai oblysynda – 97
- Qyzylorda oblysynda – 318
- Mańǵystaý oblysynda – 200
- Pavlodar oblysynda – 150
- Soltústik Qazaqstan oblysynda– 25
- Túrkistan oblysynda – 147 naýqas tirkelgen.
Resmi málimet boiynsha 2020 jyldyń naýryzynan beri koronavirýs juqtyrǵandar 1 024 004-ge jetken.
Qazir 44,7 myń adam koronavirýstan emdelip jatyr. 40 myńnan astamy aýrýhanada jatyr. 208 adamnyń jaǵdaiy aýyr, 76 patsienttiń jaǵdaiy óte aýyr, 42 naýqas jasandy tynys apparatyna qosylǵan.
Koronavirýstyń taralýy boiynsha "qyzyl aimaqta" Nur-Sultan, Almaty, Shymkent qalalary, Atyraý, Aqtóbe Aqmola, Batys Qazaqstan, Mańǵystaý, Qaraǵandy, Qyzylorda, Pavlodar oblystary tur. "Sary aimaqta": Almaty oblysy, Jambyl, Qostanai oblystary, "Jasyl aimaqta": Túrkistan, Soltústik Qazaqstan, Shyǵys Qazaqstan oblystary tur.
Qazaqstanda pnevmoniianyń koronavirýsqa uqsas túri de 2020 jyldyń tamyz aiynan beri esepke alynyp keledi. Sodan beri 84 myń naýqas tirkelgen. Ortasha eseppen kúnine ondaǵan adamǵa sondaý diagnoz qoiylady.
Bilik koronavirýsqa bailanysty 14 qańtardan bastap shekteý sharalaryn kúsheite bastaitynyn habarlady. Jańa ereje boiynsha, oiyn-saýyq ortalyqtary, saýda jelileri, bassein, monsha, fitnes-ortalyqtaryna Ashyq qosymshasynda "jasyl" statýsy barlar ǵana bara alady.
Qazaqstanda koronavirýstyń rekordtyq kórsetkishi qańtar basyndaǵy narazylyq pen tártipsizdikterden keiin jariialanǵan tótenshe jaǵdai kezinde tirkelip otyr.
