قازاقستاندا 13 قاڭتاردا 10 418 ادامنان كوروناۆيرۋس انىقتالعان. ٸندەت باستالعالى بەرٸ مۇنداي كٶرسەتكٸش تٸركەلمەگەن. بىلتىر جازدا ەلدە ٸندەت ۋشىعىپ, اۋرۋحانالار تولعان كەزدە كٷنٸنە 8 مىڭنان استام ادامنان كوروناۆيرۋس انىقتالعان ەدٸ. بەيسەنبٸ كٷنٸ 1279 ادام كوروناۆيرۋستان جازىلعان, دەپ حابارلايدى ازاتتىق.
10 418 ناۋقاس تٶمەندەگٸ ايماقتاردان انىقتالعان:
- نۇر-سۇلتاندا – 5 548
- الماتىدا – 1 115
- شىمكەنتتە – 370
- اقمولا وبلىسىندا –290
- اقتٶبە وبلىسىندا – 323
- الماتى وبلىسىندا – 257
- اتىراۋ وبلىسىندا – 437
- شىعىس قازاقستان وبلىسىندا – 31
- جامبىل وبلىسىندا – 104
- باتىس قازاقستان وبلىسىندا – 186
- قاراعاندى وبلىسىندا – 820
- قوستاناي وبلىسىندا – 97
- قىزىلوردا وبلىسىندا – 318
- ماڭعىستاۋ وبلىسىندا – 200
- پاۆلودار وبلىسىندا – 150
- سولتٷستٸك قازاقستان وبلىسىندا– 25
- تٷركٸستان وبلىسىندا – 147 ناۋقاس تٸركەلگەن.
رەسمي مەلٸمەت بويىنشا 2020 جىلدىڭ ناۋرىزىنان بەرٸ كوروناۆيرۋس جۇقتىرعاندار 1 024 004-گە جەتكەن.
قازٸر 44,7 مىڭ ادام كوروناۆيرۋستان ەمدەلٸپ جاتىر. 40 مىڭنان استامى اۋرۋحانادا جاتىر. 208 ادامنىڭ جاعدايى اۋىر, 76 پاتسيەنتتٸڭ جاعدايى ٶتە اۋىر, 42 ناۋقاس جاساندى تىنىس اپپاراتىنا قوسىلعان.
كوروناۆيرۋستىڭ تارالۋى بويىنشا "قىزىل ايماقتا" نۇر-سۇلتان, الماتى, شىمكەنت قالالارى, اتىراۋ, اقتٶبە اقمولا, باتىس قازاقستان, ماڭعىستاۋ, قاراعاندى, قىزىلوردا, پاۆلودار وبلىستارى تۇر. "سارى ايماقتا": الماتى وبلىسى, جامبىل, قوستاناي وبلىستارى, "جاسىل ايماقتا": تٷركٸستان, سولتٷستٸك قازاقستان, شىعىس قازاقستان وبلىستارى تۇر.
قازاقستاندا پنەۆمونييانىڭ كوروناۆيرۋسقا ۇقساس تٷرٸ دە 2020 جىلدىڭ تامىز ايىنان بەرٸ ەسەپكە الىنىپ كەلەدٸ. سودان بەرٸ 84 مىڭ ناۋقاس تٸركەلگەن. ورتاشا ەسەپپەن كٷنٸنە ونداعان ادامعا سونداۋ دياگنوز قويىلادى.
بيلٸك كوروناۆيرۋسقا بايلانىستى 14 قاڭتاردان باستاپ شەكتەۋ شارالارىن كٷشەيتە باستايتىنىن حابارلادى. جاڭا ەرەجە بويىنشا, ويىن-ساۋىق ورتالىقتارى, ساۋدا جەلٸلەرٸ, باسسەين, مونشا, فيتنەس-ورتالىقتارىنا Ashyq قوسىمشاسىندا "جاسىل" ستاتۋسى بارلار عانا بارا الادى.
قازاقستاندا كوروناۆيرۋستىڭ رەكوردتىق كٶرسەتكٸشٸ قاڭتار باسىنداعى نارازىلىق پەن تەرتٸپسٸزدٸكتەردەن كەيٸن جارييالانعان تٶتەنشە جاعداي كەزٸندە تٸركەلٸپ وتىر.
