Qazaqstan densaýlyq saqtaý ministrliginiń 9 sáýir 22:55-tegi deregine sai, Pavlodar oblysynda koronavirýs juqtyrǵan 1936 jylǵy er adam qaitys boldy. Ministrliktiń dereginshe, ol 8 sáýirde pnevmoniiamen aýrýhanaǵa jatqyzylǵan. 9 sáýirde koronavirýs anyqtalǵan. Marqum 2016 jyldan beri astma, ókpe aýrýymen esepte turǵan.
Ministrlik elde taǵy 17 adamnan virýs tabylǵanyn habarlady: Qyzylorda oblysynda - 8 adam, Aqmola oblysynda - 4 adam, Pavlodar oblysynda - 2 adam, Nur-Sultan qalasynda - 2 adam, Almaty qalasynda - 1 adam.
Qazir Qazaqstanda 781 adam virýs juqtyrdy. 60 adam dertten aiyqty. 8 adam qaitys boldy. Qyzylorda oblysynda virýs juqtyrǵandar júzden asty.
Virýs juqtyrǵandar myna aimaqtarda:
- Nur-Sultan qalasy – 225
- Almaty qalasy – 122
- Qyzylorda oblysy – 100
- Aqmola oblysy – 60
- Qaraǵandy oblysy – 57
- Túrkistan oblysy – 34
- Soltústik Qazaqstan oblysy – 25
- Aqtóbe oblysy – 11
- Almaty oblysy – 10
- Atyraý oblysy – 42
- Shyǵys Qazaqstan oblysy – 6
- Jambyl oblysy – 45
- Shymkent qalasy – 27
- Batys Qazaqstan oblysy – 4
- Qostanai oblysy – 3
- Mańǵystaý oblysy – 7
- Pavlodar oblysy – 3