«Habar 24» telearnasynda ótken brifingide QR Aqparat jáne qoǵamdyq damý ministri Dáýren Abaev koronavirýspen kúreske qansha qarjy jumsalatyny jáne qandai maqsatqa baǵyttalǵanyn túsindirdi, dep habarlaidy "Ult aqparat".
Koronavirýspen kúreske tikelei bólingen qarjy málimetine toqtalǵan ministr, «bul turǵyda Prezident jariialaǵan daǵdarysqa qarsy sharalarǵa qatysty emes. Koronavirýsqa qarsy kúres sharalaryna qarjy Úkimet rezervinen úsh ret bólindi», - dedi.
Osy oraida 29 qańtardaǵy birinshi transh aiasynda 1 mlrd 609 mln teńge, 21 aqpanda qosymsha 428 mln 227 myń teńge bólindi. Sondai-aq úshinshi ret 25 naýryzda 21 mlrd 430 mln teńge baǵyttaldy.
Bul qarjy dárilik zattardy, meditsinalyq jabdyqtar men zerthanalyq quraldardy alýǵa, sonymen qatar meditsinalyq maska men qolǵap, qorǵanys kiimderi men testilerge bólindi.
Munymen qosa, bul shyǵyndar azamattardy evakýatsiialaýǵa, shuǵyl meditsinalyq kómekke, dezinfektsiia zattaryn alýǵa jáne basqa da qajetti sharalarǵa negizdeldi.
«Koronavirýspen kúreske jumyldyrylǵan meditsinalyq qyzmetkerlerge ústeme tólem jasaý maqsatynda biýdjetti naqtylaýǵa ótinim jeke engizildi», - dedi D. Abaev.
