«حابار 24» تەلەارناسىندا ٶتكەن بريفينگٸدە قر اقپارات جەنە قوعامدىق دامۋ مينيسترٸ دەۋرەن اباەۆ كوروناۆيرۋسپەن كٷرەسكە قانشا قارجى جۇمسالاتىنى جەنە قانداي ماقساتقا باعىتتالعانىن تٷسٸندٸردٸ, دەپ حابارلايدى "ۇلت اقپارات".
كوروناۆيرۋسپەن كٷرەسكە تٸكەلەي بٶلٸنگەن قارجى مەلٸمەتٸنە توقتالعان مينيستر, «بۇل تۇرعىدا پرەزيدەنت جارييالاعان داعدارىسقا قارسى شارالارعا قاتىستى ەمەس. كوروناۆيرۋسقا قارسى كٷرەس شارالارىنا قارجى ٷكٸمەت رەزەرۆٸنەن ٷش رەت بٶلٸندٸ», - دەدٸ.
وسى ورايدا 29 قاڭتارداعى بٸرٸنشٸ ترانش اياسىندا 1 ملرد 609 ملن تەڭگە, 21 اقپاندا قوسىمشا 428 ملن 227 مىڭ تەڭگە بٶلٸندٸ. سونداي-اق ٷشٸنشٸ رەت 25 ناۋرىزدا 21 ملرد 430 ملن تەڭگە باعىتتالدى.
بۇل قارجى دەرٸلٸك زاتتاردى, مەديتسينالىق جابدىقتار مەن زەرتحانالىق قۇرالداردى الۋعا, سونىمەن قاتار مەديتسينالىق ماسكا مەن قولعاپ, قورعانىس كيٸمدەرٸ مەن تەستٸلەرگە بٶلٸندٸ.
مۇنىمەن قوسا, بۇل شىعىندار ازاماتتاردى ەۆاكۋاتسييالاۋعا, شۇعىل مەديتسينالىق كٶمەككە, دەزينفەكتسييا زاتتارىن الۋعا جەنە باسقا دا قاجەتتٸ شارالارعا نەگٸزدەلدٸ.
«كوروناۆيرۋسپەن كٷرەسكە جۇمىلدىرىلعان مەديتسينالىق قىزمەتكەرلەرگە ٷستەمە تٶلەم جاساۋ ماقساتىندا بيۋدجەتتٸ ناقتىلاۋعا ٶتٸنٸم جەكە ەنگٸزٸلدٸ», - دەدٸ د. اباەۆ.
