Búginge deiin Qazaqstanda koronavirýs infektsiiasyna qatysty 3 mln 655 testileý júrgizildi. Bul týraly QR Densaýlyq saqtaý ministrligi Sanitarlyq-epidemiologiialyq baqylaý komitetiniń tóraiymy Aijan Esmaǵambetova málim etti, dep habarlaidy "Ult aqparat".
«Esterińizde bolsa, shilde aiynda Qazaqstanda testileý deńgeii táýligine 40 myńnan sál astam bolatyn. Qazirgi kezde bul kórsetkish táýligine 70 myńǵa jetkizildi. Júrgizilgen testileý kólemi epidemiologiialyq jaǵdaidy eskere otyryp artyp keledi», - dedi ol Ortalyq kommýnikatsiialar qyzmetinde.
Onyń sózine qaraǵanda, ótken aptada el boiynsha testileý sanynyń 10 paiyzǵa óskeni baiqaldy. Al keibir óńirlerde bul kórsetkish eselep artty.
«Soltústik Qazaqstan oblysynda testileý úsh esege, Shyǵys Qazaqstan oblysynda eki esege, Almaty oblysynda 2,4 ese, Aqmola oblysynda 1,6 ese ósti. Sonymen qatar, qalǵan óńirlerde de testileý deńgeii artyp keledi», - dedi komitet basshysy.
