Koronavirýsqa shaldyqqan 310 adamnyń jaǵdaiy aýyr. Bul týraly búgin QR Densaýlyq saqtaý vitse-ministri Ajar Ǵiniiat aitty, dep habarlaidy "Ult aqparat".
«Osy jyldyń basynan beri respýblika boiynsha densaýlyq jaǵdaiy aýyr patsientterdiń sany edáýir tómendegeni baiqalady. Sonymen qatar, jekelegen óńirlerde aýyr naýqastardyń sany aldyńǵy aimen salystyrǵanda ósip keledi. Ol: Atyraý, Qaraǵandy, Pavlodar oblystarynda, Nur-Sultan, Almaty qalalarynda. 3 aqpandaǵy jaǵdai boiynsha respýblikada koronavirýs infektsiiasy bar jaǵdaiy aýyr naýqastardyń sany – 310 adam. Jaǵdaiy óte aýyry - 57. Jasandy tynys alý apparatynda 52 patsient bar», - dedi vitse-ministr Ortalyq kommýnikatsiialar qyzmetindegi baspasóz máslihaty barysynda.
Onyń dereginshe, patsientterdiń 64 paiyzy koronavirýstyń oń diagnozy bar naýqastar. Táýligine reanimatsiiaǵa 30-dan 50-ge deiin naýqas túsedi. Reanimatsiia bólimshesindegi aýrýlardy taldaý kezinde patsientterdiń 70 paiyzǵa jýyǵynda qant diabeti, arteriialyq gipertenziia, ókpeniń obstrýktivtik aýrýy, semizdik, baýyr tsirrozy jáne onkologiialyq aýrýlar siiaqty júrek-qan tamyrlary júiesiniń sozylmaly aýrýlary bar ekenin kórsetip otyr.
«Osy patsientterdiń 66 paiyzy alǵashqy táýlikte aýyr kúide túsip jatyr. Bul kóbinese úide óz betinshe emdelý áreketinen keiin meditsinalyq kómekke kesh júginýdi bildiretinin aita ketý kerek. Ýchaskelerde COVID-19 simptomsyz, jeńil nysany bar naýqastardy ambýlatoriialyq baqylaýdyń chek-paraqtary, COVID-19 bar balanyń jaǵdaiyn baqylaý boiynsha ata-analarǵa arnalǵan chek-paraqtar júrgizilýi tiis», - dedi Ajar Ǵiniiat.
