كوروناۆيرۋسقا شالدىققان 310 ادامنىڭ جاعدايى اۋىر. بۇل تۋرالى بٷگٸن قر دەنساۋلىق ساقتاۋ ۆيتسە-مينيسترٸ اجار عينييات ايتتى, دەپ حابارلايدى "ۇلت اقپارات".
«وسى جىلدىڭ باسىنان بەرٸ رەسپۋبليكا بويىنشا دەنساۋلىق جاعدايى اۋىر پاتسيەنتتەردٸڭ سانى ەدەۋٸر تٶمەندەگەنٸ بايقالادى. سونىمەن قاتار, جەكەلەگەن ٶڭٸرلەردە اۋىر ناۋقاستاردىڭ سانى الدىڭعى ايمەن سالىستىرعاندا ٶسٸپ كەلەدٸ. ول: اتىراۋ, قاراعاندى, پاۆلودار وبلىستارىندا, نۇر-سۇلتان, الماتى قالالارىندا. 3 اقپانداعى جاعداي بويىنشا رەسپۋبليكادا كوروناۆيرۋس ينفەكتسيياسى بار جاعدايى اۋىر ناۋقاستاردىڭ سانى – 310 ادام. جاعدايى ٶتە اۋىرى - 57. جاساندى تىنىس الۋ اپپاراتىندا 52 پاتسيەنت بار», - دەدٸ ۆيتسە-مينيستر ورتالىق كوممۋنيكاتسييالار قىزمەتٸندەگٸ باسپاسٶز مەسليحاتى بارىسىندا.
ونىڭ دەرەگٸنشە, پاتسيەنتتەردٸڭ 64 پايىزى كوروناۆيرۋستىڭ وڭ دياگنوزى بار ناۋقاستار. تەۋلٸگٸنە رەانيماتسيياعا 30-دان 50-گە دەيٸن ناۋقاس تٷسەدٸ. رەانيماتسييا بٶلٸمشەسٸندەگٸ اۋرۋلاردى تالداۋ كەزٸندە پاتسيەنتتەردٸڭ 70 پايىزعا جۋىعىندا قانت ديابەتٸ, ارتەرييالىق گيپەرتەنزييا, ٶكپەنٸڭ وبسترۋكتيۆتٸك اۋرۋى, سەمٸزدٸك, باۋىر تسيرروزى جەنە ونكولوگييالىق اۋرۋلار سيياقتى جٷرەك-قان تامىرلارى جٷيەسٸنٸڭ سوزىلمالى اۋرۋلارى بار ەكەنٸن كٶرسەتٸپ وتىر.
«وسى پاتسيەنتتەردٸڭ 66 پايىزى العاشقى تەۋلٸكتە اۋىر كٷيدە تٷسٸپ جاتىر. بۇل كٶبٸنەسە ٷيدە ٶز بەتٸنشە ەمدەلۋ ەرەكەتٸنەن كەيٸن مەديتسينالىق كٶمەككە كەش جٷگٸنۋدٸ بٸلدٸرەتٸنٸن ايتا كەتۋ كەرەك. ۋچاسكەلەردە COVID-19 سيمپتومسىز, جەڭٸل نىسانى بار ناۋقاستاردى امبۋلاتورييالىق باقىلاۋدىڭ چەك-پاراقتارى, COVID-19 بار بالانىڭ جاعدايىن باقىلاۋ بويىنشا اتا-انالارعا ارنالعان چەك-پاراقتار جٷرگٸزٸلۋٸ تيٸس», - دەدٸ اجار عينييات.
