Qazaqstanda koronavirýsqa qarsy vaktsinatsiialaý sharalary úsh kezeńde júrgiziledi. Bul týraly Densaýlyq saqtaý ministrligi habarlady.
1 aqpanda bastalatyn birinshi kezeńde infektsiialyq aýrýhana, jedel meditsinalyq járdem, reanimatsiia jáne qabyldaý bólmeleri, sanepidqyzmettiń meditsina qyzmetkerleri vaktsinatsiialana alady.
1 naýryzda bastalatyn ekinshi kezeńde jalpy bilim beretin mektepterdiń, JOO-dyń, pedagogter, meditsinalyq qyzmet qyzmetkerleri.
1 sáýirden bastap úshinshi kezeńde: mektep-internattardyń, mektepke deiingi balalar mekemeleriniń pedagogtary, stýdentter jáne sozylmaly aýrýlary bar adamdar egý saldyrady.
Immýndaý aldynda:
- egý saldyratyn adamǵa profilaktikalyq egý, yqtimal reaktsiialar men keri áseri, sondai-aq egýden bas tartý saldary týraly tolyq aqparat beriledi;
- erikti túrde aqparattandyrylǵan kelisim nemese bas tartý qaǵazy resimdeledi (QR DSM 13.06.2018 j. № 361 buiryǵymen bekitilgen «Halyqqa profilaktikalyq egýlerdi júrgizý boiynsha sanitariialyq-epidemiologiialyq talaptar» BK 1-qosymshasyna sáikes).
- ádistemelik usynymdarǵa 2-qosymshaǵa sáikes egilgenderge saýalnama júrgiziledi.
Áielderge vaktsina salmas buryn júkti emes pe, bala emizbei me, sony anyqtaý qajet (kúmándi jaǵdaida júktilikke test paidalanýdy jáne/nemese vaktsinatsiialaý merzimin aýystyrýdy usyný).
Sonymen qatar, vaktsinatsiianyń qaýipsiz ekenin eskergen durys. Kez kelgen litsenziiasy bar vaktsina birneshe satydan turatyn jiti tekseristen ótedi, sodan keiin ǵana paidalanýǵa ruqsat etiledi. Vaktsina naryqqa túskenen keiin de únemi baqylaýda bolady.
