Búgin Qazaqstanda koronavirýs infektsiiasyn juqtyrý jáne taratý táýekeli joǵary sanattardy koronavirýsqa qarsy vaktsinalaý bastaldy, dep habarlaidy «Ult aqparat».
Mamandardyń aitýynsha, koronavirýsty toqtatyp, pandemiiadan shyǵýdyń birden-bir joly – vaktsinalaý bolyp otyr. Qazaqstanda vaktsina erikti túrde salynady.
«Halyq densaýlyǵy jáne densaýlyq saqtaý júiesi týraly» QR Kodeksiniń 77-babyna sáikes, kez kelgen meditsinalyq em-shara, onyń ishinde vaktsinatsiia egiletin adamnyń kelisimimen ǵana júrgiziledi.
Qazaqstanda vaktsinatsiiadan bas tartqany úshin ákimshilik nemese qylmystyq jaýapkershilik kózdelmegen, kez kelgen qysym kórsetý zańsyz bolyp tabylady.
1 aqpannan bastap Qazaqstanda Reseide shyǵarylǵan «Spýtnik V» vaktsinasyn paidalana otyryp, KVI-ǵa qarsy vaktsinatsiia bastalady.
Odan keiin 15 aqpannan bastap, vaktsinalaý protsesine Qaraǵandy farmatsevtikalyq kesheniniń bazasynda óndirilgen Gam-KOVID-Vak vaktsinasy qosylady.
Al 2021 jyldyń 2 toqsanynan bastap vaktsinalaý protsesine otandyq – QazCovid-In preparatyn qosý josparlanyp otyr.
Bul vaktsina qazirgi ýaqytta klinikalyq synaqtyń 3-kezeńinen ótýde.
31 qańtarda Qaraǵandy farmatsevtikalyq kesheni elge «Spýtnik V» vaktsinalarynyń alǵashqy partiiasyn jetkizdi.
Aqpan aiynda Qaraǵandy farmatsevtikalyq kesheni vaktsinanyń 112 myń dozasyn, naýryzda – 150 myń doza, sáýirden maýsymǵa deiin – ai saiyn 600 myń dozadan jetkizetin bolady.
Sondai-aq sáýir aiynan bastap 75 myń doza kóleminde QazCovid-in otandyq vaktsinasyn egý jáne ony ai saiyn 500 myń dozaǵa deiin ulǵaitý josparlanyp otyr.
Vaktsinatsiia preparattyń kelip túsýine bailanysty kezeń-kezeńmen júzege asyrylady.
Birinshi kezeńde juqpaly aýrýlar aýrýhanalarynyń, jedel meditsinalyq kómek, reanimatsiia, MSAK, qabyldaý bólmeleriniń meditsina qyzmetkerleri, sanepidqyzmet mamandary egiledi.
Ekinshi kezeńde jalpy bilim beretin mektepterdiń, joǵary oqý oryndarynyń pedagogtary, birinshi kezeńge kirmegen meditsinalyq qyzmet mamandary vaktsinatsiialanady.
Úshinshi kezeńde mektep-internattardyń, mektepke deiingi mekemelerdiń pedagogtary, stýdentter men sozylmaly aýrýlary bar adamdar qamtylady.
Budan basqa, halyqtyń qosymsha osal toptary: TJM, IIM, Qorǵanys ministrligi, UQK, Memlekettik kúzet qyzmetiniń qyzmetkerlerin jáne basqalardy qosa otyryp, kontingentti keńeitý josparlanýda.
Koronavirýsqa qarsy vaktsinany 21 kúndik aralyqpen eki kezeńmen engizý kerek.
Birinshi doza antidenelerdiń az mólsherin óndirýge bailanysty qysqa qorǵanys áserin beredi.
Ekinshi doza birinshisiniń áserin kúsheitedi jáne nyǵaitady, adam organizmindegi antideneler sany artady.
Vaktsinatsiia júrgizer aldynda dene temperatýrasy ólshenedi, epidemiologiialyq anamnezdi jinaý, satýratsiiany, júrek jiyrylýynyń jiiligin, arteriialyq qysymdy ólsheý, tynys alý jáne júrek-qantamyr júiesin aýskýltatsiialaý jáne jutqynshaqty tekserý sharalary jasalady.
Eger temperatýra 37°C-tan assa, vaktsinatsiia keiinge qaldyrylady.
Reseilik Spýtnik V vaktsinasy boiynsha qarsy kórsetilimder: anamnezdegi aýyr allergiialyq reaktsiialar, júktilik jáne bala emizý kezeńderi, 18 jasqa deiingi balalar jáne 65 jastan asqan qarttar.
Baýyr men búirektiń sozylmaly aýrýy barlarǵa, qant diabeti syndy endokrindik júieniń aiqyn buzylysy baiqalǵandarǵa saqtyqpen qoldaný qajet.
Qan túzilý júiesiniń aýyr syrqattarynda, epilepsiia, insýlt jáne ortalyq júike júiesiniń basqa aýrýlarynda, júrek-qantamyr júiesi dertterinde, bastapqy jáne qaitalama immýn tapshylyǵy men aýtoimmýndy, sondai-aq, demikpe jáne sozylmaly obstrýktivti ókpe aýrýlarynda saqtyq tanytý qajet.
Diabetpen jáne metabolikalyq sindrom, atopiia men ekzema allergiialyq reaktsiialary, sondai-aq qaterli isik, qaterli qan aýrýlary bar naýqastarǵa vaktsina salarda aǵza jaǵdaiyn jekelei qarastyrý kerek.
Iaǵni, bul jaǵdailar absoliýtti qarsy kórsetilimderge jatpaidy jáne vaktsinalaý kezinde ár naýqastyń jaǵdaiyna qarai bailanysty derbes taǵaiyndalýy tiis.
Tegin meditsinalyq kómektiń kepildik berilgen kólemi aiasynda qazaqstandyqtarǵa koronavirýsqa qarsy egý tegin júrgiziledi.
Úkimet rezervinen tiisti qarajat bólinedi.
Densaýlyq saqtaý ministrliginiń usynymdaryna sáikes, COVID-pen aýyryp saýyqqannan keiin vaktsinatsiia 6 aidan erte júrgizilmeýi qajet.
Koronavirýspen aýyrǵan adamnyń antideneler titri joǵary bolsa jáne uzaq ýaqyt saqtalsa, vaktsina salýdyń qajeti joq.
Al eger antidene titri ýaqyt óte kele tómendese nemese tórtinshi, altynshy aida nólge deiin tússe, onda immýndaý máselesi týyndaýy múmkin.
QR Densaýlyq saqtaý ministrliginiń basshylyǵy da vaktsinany alǵashqylardyń qatarynda saldyrady.
Búgin elordadaǵy №6 qalalyq emhanada QR Densaýlyq saqtaý vitse-ministri – Bas memlekettik sanitar dáriger Erlan Qiiasov pen Densaýlyq saqtaý vitse-ministri Ajar Ǵiniiat Sputnik V vaktsinasyn saldyrady.
Al Densaýlyq saqtaý ministri Aleksei Tsoi qazaqstandyq QazCovid-in vaktsinasyn saldyrýdy josparlap otyr.
26 qańtarda Úkimettiń keńeitilgen otyrysynda Memleket basshysy Qasym-Jomart Toqaev ta koronavirýsqa qarsy qazaqstandyq vaktsinany saldyratynyn málimdegen edi.
