Densaýlyq saqtaý ministri Aleksei Tsoi Qazaqstanda koronavirýsqa qarsy vaktsina eń aldymen kimderge egiletinin aitty, dep habarlaidy "Ult aqparat".
Ministrdiń aitýynsha halyqqa ekpe jumystary vaktsinanyń jetkizilý mólsherine qarai salynady.
«Kontingent kelesi tártipte belgilengen: birinshi kezeńde infektsiialyq aýrýhanalardyń meditsina qyzmetkerlerine, jedel járdem qyzmetiniń mamandaryna, jan saqtaý bóliminiń, alǵashqy meditsinalyq-sanitarlyq kómek qyzmetiniń, aýrýhanalardyń qabyldaý bóliminiń, sanitarlyq-epidemiologiialyq qyzmettiń mamandaryna, naqtyraq aitqanda 100 myńǵa tarta azamatqa vaktsina salynady», - dedi Aleksei Tsoi Úkimet otyrysynda.
Onyń aitýynsha, ekinshi kezeńde jalpy bilim beretin mektepterdiń muǵalimderine, JOO oqytýshylaryna, vedomstvolyq meditsina qyzmetiniń mamandaryna, naqtyraq aitqanda naýryz aiynan bastap shamamen 150 myń adamǵa ekpe egiledi. Úshinshi kezeńde mektep-internattarynyń pedagogterine, balalar men mektepke deiingi mekemelerdiń qyzmetkerlerine, stýdentterge, sozylmaly aýrýlary bar azamattarǵa (sáýirden bastap shamamen 600 myń adam) vaktsinatsiialaý júrgiziledi.
