دەنساۋلىق ساقتاۋ مينيسترٸ الەكسەي تسوي قازاقستاندا كوروناۆيرۋسقا قارسى ۆاكتسينا ەڭ الدىمەن كٸمدەرگە ەگٸلەتٸنٸن ايتتى, دەپ حابارلايدى "ۇلت اقپارات".
مينيستردٸڭ ايتۋىنشا حالىققا ەكپە جۇمىستارى ۆاكتسينانىڭ جەتكٸزٸلۋ مٶلشەرٸنە قاراي سالىنادى.
«كونتينگەنت كەلەسٸ تەرتٸپتە بەلگٸلەنگەن: بٸرٸنشٸ كەزەڭدە ينفەكتسييالىق اۋرۋحانالاردىڭ مەديتسينا قىزمەتكەرلەرٸنە, جەدەل جەردەم قىزمەتٸنٸڭ ماماندارىنا, جان ساقتاۋ بٶلٸمٸنٸڭ, العاشقى مەديتسينالىق-سانيتارلىق كٶمەك قىزمەتٸنٸڭ, اۋرۋحانالاردىڭ قابىلداۋ بٶلٸمٸنٸڭ, سانيتارلىق-ەپيدەميولوگييالىق قىزمەتتٸڭ ماماندارىنا, ناقتىراق ايتقاندا 100 مىڭعا تارتا ازاماتقا ۆاكتسينا سالىنادى», - دەدٸ الەكسەي تسوي ٷكٸمەت وتىرىسىندا.
ونىڭ ايتۋىنشا, ەكٸنشٸ كەزەڭدە جالپى بٸلٸم بەرەتٸن مەكتەپتەردٸڭ مۇعالٸمدەرٸنە, جوو وقىتۋشىلارىنا, ۆەدومستۆولىق مەديتسينا قىزمەتٸنٸڭ ماماندارىنا, ناقتىراق ايتقاندا ناۋرىز ايىنان باستاپ شامامەن 150 مىڭ ادامعا ەكپە ەگٸلەدٸ. ٷشٸنشٸ كەزەڭدە مەكتەپ-ينتەرناتتارىنىڭ پەداگوگتەرٸنە, بالالار مەن مەكتەپكە دەيٸنگٸ مەكەمەلەردٸڭ قىزمەتكەرلەرٸنە, ستۋدەنتتەرگە, سوزىلمالى اۋرۋلارى بار ازاماتتارعا (سەۋٸردەن باستاپ شامامەن 600 مىڭ ادام) ۆاكتسيناتسييالاۋ جٷرگٸزٸلەدٸ.
