Qazaqstanda taǵy 855 adamnyń koronavirýs testi oń shyqqan, 51 adamǵa koronavirýs pnevmoniiasy diagnozy qoiylǵan. Ótken táýlikte 13 adam ólimi tirkelgen: 12 adam - koronavirýstan, 1 adam koronavirýs pnevmoniiasynan qaitys bolǵan dep aitylady. Densaýlyq saqtaý ministrliginiń 26 aqpan kúngi habarlamasynda osyndai málimet kórsetilgen.
Beisenbi kúni Nur-Sultan qalasynda PTR testi oń kórsetken 135 adam tirkelgen. Bul bir táýlik ishinde respýblika boiynsha tirkelgen eń joǵary kórsetkish. Almatyda - 110, Pavlodar oblysynda - 78, Batys Qazaqstan oblysynda - 75, Aqmola oblysynda - 74, Almaty oblysynda - 72, Qostanai oblysynda - 65, Shyǵys Qazaqstan oblysynda - 64, Qaraǵandyda - 54, Soltústik Qazaqstan oblysynda - 38, Atyraý oblysynda - 28, Jambyl oblysynda - 21, Aqtóbe oblysynda - 16, Shymkentte - 12, Qyzylorda oblysynda - 8, Túrkistan oblysynda - 3, Mańǵystaý oblysynda 2 naýqas anyqtalǵan.
2020 jyldyń naýryz aiynan beri elde 211 212 adamnyń koronavirýs testi oń shyqqan, 2 733 adam qaitys bolǵan. Bul málimetke koronavirýs pnevmoniiasyna shaldyqqandar engizilmegen. Koronavirýs test emes, klinikalyq belgileri boiynsha anyqtalatyn pnevmoniianyń koronavirýsqa uqsas túrine shaldyqqandardy densaýlyq saqtaý ministrligi 2020 jyldyń 1 tamyzynan beri bólek eseptei bastaǵan. Sodan beri 49 172 adamnan koronavirýs pnevmoniia anyqtalǵan, 620 adam qaitys bolǵan.
26 aqpandaǵy málimet boiynsha, 20 277 adam koronovirýs infektsiiasynan (13 358 KVI+ jáne 6 919 KVI-) emdelýde, olardyń ishinde 4 452 patsient statsionarda, 15 825 naýqas ambýlatoriialyq deńgeide em qabyldaýda.
KVI+, KVI- shaldyqqandardyń arasynda:
- 254 adamnyń jaǵdaiy aýyr;
- 53 patsienttiń jaǵdaiy óte aýyr;
- 41 naýqas ókpeni jasandy jeldetý apparatyna qosylǵan.
