Qazaqstanda koronavirýs juqtyrýdyń taǵy eki jaǵdaiy tirkeldi, dep habarlaidy "Ult aqparat".
«Qazirgi tańda Qazaqstanda 8 naýqas bar. Bári oqshaýlaýda», - dedi Densaýlyq saqtaý ministri Eljan Birtanov «Habar 24» arnasynan tikelei efirde.
Búgingi tańda qosymsha taǵy eki adam tirkeldi. Birinshi naýqas - 1959 jyly týǵan áiel adam. Bizdiń infektsiialyq statsionarda oqshaýlaýda jatqan patsient. Buryn kúieýinde diagnoz anyqtalyp, jaqyn bailanystaǵy adam retinde oqshaýlaýda jatqan. Qosymsha diagnostikanyń nátijesinde koronavirýs infektsiiasy anyqtaldy. Onyń otbasyndaǵy jaqyndarynyń bári oqshaýlaýda», - dedi Densaýlyq saqtaý ministri Eljan Birtanov «Habar 24» arnasynan tikelei efirde.
Ministr ekinshi adam er kisi ekenin, keshe «Seýl-Almaty» ushaǵymen kelgenin atap ótti.
«Ushaqtan kelgen 130 jolaýshynyń ishinde transfermen ketkeni bar. Bári de 100 paiyz infektsiialyq aýrýhanaǵa jáne statsionarǵa jatqyzyldy. Sonymen qalaǵa eshkim kirgen joq. Ishinde bir patsientti anyqtadyq», - dedi ol.
Eske sala ketsek, 14 naýryzda elordada ótken baspasóz máslihatynda Eljan Birtanov Qazaqstanda eki adamnyń koronavirýs juqtyrǵanyn jetkizgen edi.
Kóp ótpei Milan qalasynan Nur-Sultanǵa kelgen taǵy bir qazaqstandyqtan koronavirýs infektsiiasy tabyldy.
Keiin Germaniiadan ushyp kelgen Qazaqstannyń taǵy bir azamatynan koronavirýs anyqtaldy. Osylaisha bul dertke shaldyqqandar sany 4 adamǵa jetken edi.
Keshe taǵy eki qazaqstandyqtan koronavirýs tabylyp, jalpy bul dertti 6 adamnyń juqtyrǵany aitylǵan.
Búgingi jaǵdaimen naýqastardyń sany 8-ge jetti.
