قازاقستاندا كوروناۆيرۋس جۇقتىرۋدىڭ تاعى ەكٸ جاعدايى تٸركەلدٸ, دەپ حابارلايدى "ۇلت اقپارات".
«قازٸرگٸ تاڭدا قازاقستاندا 8 ناۋقاس بار. بەرٸ وقشاۋلاۋدا», - دەدٸ دەنساۋلىق ساقتاۋ مينيسترٸ ەلجان بٸرتانوۆ «حابار 24» ارناسىنان تٸكەلەي ەفيردە.
بٷگٸنگٸ تاڭدا قوسىمشا تاعى ەكٸ ادام تٸركەلدٸ. بٸرٸنشٸ ناۋقاس - 1959 جىلى تۋعان ەيەل ادام. بٸزدٸڭ ينفەكتسييالىق ستاتسيوناردا وقشاۋلاۋدا جاتقان پاتسيەنت. بۇرىن كٷيەۋٸندە دياگنوز انىقتالىپ, جاقىن بايلانىستاعى ادام رەتٸندە وقشاۋلاۋدا جاتقان. قوسىمشا دياگنوستيكانىڭ نەتيجەسٸندە كوروناۆيرۋس ينفەكتسيياسى انىقتالدى. ونىڭ وتباسىنداعى جاقىندارىنىڭ بەرٸ وقشاۋلاۋدا», - دەدٸ دەنساۋلىق ساقتاۋ مينيسترٸ ەلجان بٸرتانوۆ «حابار 24» ارناسىنان تٸكەلەي ەفيردە.
مينيستر ەكٸنشٸ ادام ەر كٸسٸ ەكەنٸن, كەشە «سەۋل-الماتى» ۇشاعىمەن كەلگەنٸن اتاپ ٶتتٸ.
«ۇشاقتان كەلگەن 130 جولاۋشىنىڭ ٸشٸندە ترانسفەرمەن كەتكەنٸ بار. بەرٸ دە 100 پايىز ينفەكتسييالىق اۋرۋحاناعا جەنە ستاتسيونارعا جاتقىزىلدى. سونىمەن قالاعا ەشكٸم كٸرگەن جوق. ٸشٸندە بٸر پاتسيەنتتٸ انىقتادىق», - دەدٸ ول.
ەسكە سالا كەتسەك, 14 ناۋرىزدا ەلوردادا ٶتكەن باسپاسٶز مەسليحاتىندا ەلجان بٸرتانوۆ قازاقستاندا ەكٸ ادامنىڭ كوروناۆيرۋس جۇقتىرعانىن جەتكٸزگەن ەدٸ.
كٶپ ٶتپەي ميلان قالاسىنان نۇر-سۇلتانعا كەلگەن تاعى بٸر قازاقستاندىقتان كوروناۆيرۋس ينفەكتسيياسى تابىلدى.
كەيٸن گەرمانييادان ۇشىپ كەلگەن قازاقستاننىڭ تاعى بٸر ازاماتىنان كوروناۆيرۋس انىقتالدى. وسىلايشا بۇل دەرتكە شالدىققاندار سانى 4 ادامعا جەتكەن ەدٸ.
كەشە تاعى ەكٸ قازاقستاندىقتان كوروناۆيرۋس تابىلىپ, جالپى بۇل دەرتتٸ 6 ادامنىڭ جۇقتىرعانى ايتىلعان.
بٷگٸنگٸ جاعدايمەن ناۋقاستاردىڭ سانى 8-گە جەتتٸ.
