Qazaqstanda koronavirýske shaldyqqandardyń 50 paiyzdan astamy emdelip shyqty. Bul týraly QR DSM Taýarlar men kórsetiletin qyzmetterdiń sapasy men qaýipsizdigin baqylaý komitetiniń tóraǵasy Timýr Sultanǵaziev aitty, dep habarlaidy QazAqparat.
«Búgingi kúni Qazaqstanda koronavirýs juqtyrýdyń 6 440 jaǵdaiy tirkeldi. 3 256 adam nemese 50 paiyzdan astam jazylyp, úilerine shyǵaryldy. 3 150 patsient em alyp jatyr. Ótken táýlikte elimizde jańadan 283 jaǵdai tirkelip, ósim 4,6 paiyz boldy. Bul - aiqyndalǵan ósim aiasynda degen sóz. Olardyń negizgi bóligi - 187 oqiǵa skrining arqyly, belsendi izdestirý barysynda anyqtaldy», - dedi ol «Densaýlyq ministrligi habarlaidy...» baǵdarlamasy barysynda.
Onyń dereginshe, 283 adamnyń 69-y - koronavirýsqa shaldyqqandarmen bailanysta bolǵandar. 18 jaǵdaida virýs - JRVI, tumaý belgilerimen jedel járdemge habarlasqannan keiin anyqtalǵan.
«Aqtóbe men Shyǵys Qazaqstan oblystarynda jańa jaǵdailar tirkelgen joq. Apta ishindegi ahýaldy alyp qarasaq, 11 mamyrdan 17 mamyrǵa deiin 1 350 naýqas tirkeldi. Ósim qarqyny 2-den 5 paiyzǵa deiingi aralyqta aýytqyp turady. Olardyń 80 paiyzy aldyn alý skriningi barysynda anyqtalǵan», - dedi Timýr Sultanǵaziev.
