قازاقستاندا كوروناۆيرۋسكە شالدىققانداردىڭ 50 پايىزدان استامى ەمدەلٸپ شىقتى. بۇل تۋرالى قر دسم تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ كوميتەتٸنٸڭ تٶراعاسى تيمۋر سۇلتانعازيەۆ ايتتى, دەپ حابارلايدى قازاقپارات.
«بٷگٸنگٸ كٷنٸ قازاقستاندا كوروناۆيرۋس جۇقتىرۋدىڭ 6 440 جاعدايى تٸركەلدٸ. 3 256 ادام نەمەسە 50 پايىزدان استام جازىلىپ, ٷيلەرٸنە شىعارىلدى. 3 150 پاتسيەنت ەم الىپ جاتىر. ٶتكەن تەۋلٸكتە ەلٸمٸزدە جاڭادان 283 جاعداي تٸركەلٸپ, ٶسٸم 4,6 پايىز بولدى. بۇل - ايقىندالعان ٶسٸم اياسىندا دەگەن سٶز. ولاردىڭ نەگٸزگٸ بٶلٸگٸ - 187 وقيعا سكرينينگ ارقىلى, بەلسەندٸ ٸزدەستٸرۋ بارىسىندا انىقتالدى», - دەدٸ ول «دەنساۋلىق مينيسترلٸگٸ حابارلايدى...» باعدارلاماسى بارىسىندا.
ونىڭ دەرەگٸنشە, 283 ادامنىڭ 69-ى - كوروناۆيرۋسقا شالدىققاندارمەن بايلانىستا بولعاندار. 18 جاعدايدا ۆيرۋس - جرۆي, تۇماۋ بەلگٸلەرٸمەن جەدەل جەردەمگە حابارلاسقاننان كەيٸن انىقتالعان.
«اقتٶبە مەن شىعىس قازاقستان وبلىستارىندا جاڭا جاعدايلار تٸركەلگەن جوق. اپتا ٸشٸندەگٸ احۋالدى الىپ قاراساق, 11 مامىردان 17 مامىرعا دەيٸن 1 350 ناۋقاس تٸركەلدٸ. ٶسٸم قارقىنى 2-دەن 5 پايىزعا دەيٸنگٸ ارالىقتا اۋىتقىپ تۇرادى. ولاردىڭ 80 پايىزى الدىن الۋ سكرينينگٸ بارىسىندا انىقتالعان», - دەدٸ تيمۋر سۇلتانعازيەۆ.
