Qazaqstanda koronavirýs infektsiiasyn taǵy 1654 adam juqtyrdy. Al aýrýǵa osyǵan deiin shaldyqqan 27 adam qaitys boldy. Bul týraly 30 mamyr kúni Qazaqstan densaýlyq saqtaý ministrligi habarlady.
Jańa tirkelgen naýqastardyń 1549-y KVI+ sanatyna (virýs juqtyrǵany PTR testimen rastalǵan) jatqyzylǵan. Bul – 29 naýryzdan bergi eń tómengi kórsetkish. Sol kúni 1445 naýqas tirkelgen. Ol kúnnen kúndelik anyqtalatyn naýqas sany turaqty artyp sáýirde ortasynda 2,9 myńǵa jýyqtady.
Aimaq boiynsha eń joǵarǵy kórsetkish Qaraǵandy oblysynda tirkelgen. Oblysta bir kúnde 310 adamnyń analizinen koronavirýs anyqtalǵan. Osyǵan deiin aimaqtar kóshin bastap kelgen Almaty men Nur-Sultanda 238 jáne 216 naýqas tirkelgen.
Osylaisha indet bastalǵaly KVI+ naýqastarynyń sany 385 144-ke jetip otyr. Onyń 3935-i qaitys bolǵan, 27 664-i emdelip jatyr, qalǵany aiyqqan.
Al koronavirýsqa shaldyqqany diagnozy boiynsha anyqtalǵan (KVI-) naýqastardyń sany 55 255-ke jetti. Onyń 3354-i kóz jumǵan.
Densaýlyq saqtaý ministrliginiń aqparatynsha, qazir 679 naýqastyń jaǵdaiy aýyr, 150 naýqastyń jaǵdaiy óte aýyr, 103 naýqas ókpeni jeldetý apparatyna qosylǵan.
Amerikalyq Djons Hopkins ýniversitetiniń dereginshe, álemde virýs juqtyrǵany rastalǵan adamdar sany 170 millionǵa taiaǵan. Onyń 3,5 milliony qaitys bolǵan.
