قازاقستاندا كوروناۆيرۋس ينفەكتسيياسىن تاعى 1654 ادام جۇقتىردى. ال اۋرۋعا وسىعان دەيٸن شالدىققان 27 ادام قايتىس بولدى. بۇل تۋرالى 30 مامىر كٷنٸ قازاقستان دەنساۋلىق ساقتاۋ مينيسترلٸگٸ حابارلادى.
جاڭا تٸركەلگەن ناۋقاستاردىڭ 1549-ى كۆي+ ساناتىنا (ۆيرۋس جۇقتىرعانى پتر تەستٸمەن راستالعان) جاتقىزىلعان. بۇل – 29 ناۋرىزدان بەرگٸ ەڭ تٶمەنگٸ كٶرسەتكٸش. سول كٷنٸ 1445 ناۋقاس تٸركەلگەن. ول كٷننەن كٷندەلٸك انىقتالاتىن ناۋقاس سانى تۇراقتى ارتىپ سەۋٸردە ورتاسىندا 2,9 مىڭعا جۋىقتادى.
ايماق بويىنشا ەڭ جوعارعى كٶرسەتكٸش قاراعاندى وبلىسىندا تٸركەلگەن. وبلىستا بٸر كٷندە 310 ادامنىڭ اناليزٸنەن كوروناۆيرۋس انىقتالعان. وسىعان دەيٸن ايماقتار كٶشٸن باستاپ كەلگەن الماتى مەن نۇر-سۇلتاندا 238 جەنە 216 ناۋقاس تٸركەلگەن.
وسىلايشا ٸندەت باستالعالى كۆي+ ناۋقاستارىنىڭ سانى 385 144-كە جەتٸپ وتىر. ونىڭ 3935-ٸ قايتىس بولعان, 27 664-ٸ ەمدەلٸپ جاتىر, قالعانى ايىققان.
ال كوروناۆيرۋسقا شالدىققانى دياگنوزى بويىنشا انىقتالعان (كۆي-) ناۋقاستاردىڭ سانى 55 255-كە جەتتٸ. ونىڭ 3354-ٸ كٶز جۇمعان.
دەنساۋلىق ساقتاۋ مينيسترلٸگٸنٸڭ اقپاراتىنشا, قازٸر 679 ناۋقاستىڭ جاعدايى اۋىر, 150 ناۋقاستىڭ جاعدايى ٶتە اۋىر, 103 ناۋقاس ٶكپەنٸ جەلدەتۋ اپپاراتىنا قوسىلعان.
امەريكالىق دجونس حوپكينس ۋنيۆەرسيتەتٸنٸڭ دەرەگٸنشە, ەلەمدە ۆيرۋس جۇقتىرعانى راستالعان ادامدار سانى 170 ميلليونعا تاياعان. ونىڭ 3,5 ميلليونى قايتىس بولعان.
