Qazaqstan Densaýlyq saqtaý ministrligi 28 naýryz túski saǵat 11.50-de taǵy 11 adamnan koronavirýs tabylǵanyn habarlady. Nur-Sultanda - 10 adam, Almatyda - 1 adamnan virýs tabylǵan. Shamamen bir saǵat buryn 43 adamnan virýs tabylǵany belgili bolǵan edi.
Osylaisha elde koronavirýs juqtyrǵandar sany kúrt artyp, naýqastar sany 204 adamǵa jetti:
- Nur-Sultanda - 117 adam
- Almatyda - 58 adam
- Qaraǵandyda - 4 adam
- Jambyl oblysynda - 3 adam
- Atyraý oblysynda - 4 adas
- Aqmola oblysynda - 5 adas
- Shymkentte - 2 adam
- Shyǵys Qazaqstan oblysynda - 2 adam
- Almaty - oblysynda - 4 adam
- Aqtóbe oblysynda - 1 adam
- Soltústik Qazaqstan oblysynda - 1 adam
- Pavlodar oblysynda - 1 adam
- Mańǵystaý oblysynda - 1 adam
- Qyzylorda oblysynda - 1 adam.
26 naýryz keshkisin Nur-Sultanda 64 jastaǵy áiel adam Covid-19 dertinen qaitys boldy. Onyń koronavirýs juqtyrǵany qaitys bolǵan soń anyqtalǵan.
27 naýryzda Pavlodar, Atyraý jáne Mańǵystaý oblysynda koronavirýs alǵash ret tirkeldi.
Qazaqstanda koronavirýsqa bailanysty 15 sáýirge deiin tótenshe jaǵdai. 19 naýryzdan bastap Almaty men Nur-Sultan qalalary karantinge kóshti.
Al 28 naýryzdan bastap eldegi iri úsh qalada - Almaty, Nur-Sultan, Shymkentte shekteýler kúsheiedi:
- Endi úsh qaladaǵy jurt jumysqa, azyq-túlik jáne dári alýǵa ǵana shyǵa alady.
- Park, jaiaý júrginshiler kóshesi, jaǵalaýlar, oiyn alańdary jabylady.
- Qoǵamdyq kólikterdiń jumysy shektele bastaidy.
- Qoǵamdyq oryndarda úsh adamnan artyq jinalýǵa bolmaidy. Bul shekteýdiń bir otbasynyń adamdaryna qatysy joq.
- Balalar eresektersiz kóshege shyǵýǵa tyiym salynady.
