Elimizde koronavirýs indetin juqtyrǵan taǵy bes adam anyqtaldy, dep habarlaidy "Ult aqparat".
«Onyń ekeýi Qaraǵandy qalasynda - 1972 jáne 1971 jylǵy týǵan Qazaqstan azamattary. Ekeýi de №0324 Minsk-Qaraǵandy reisimen ushyp kelgen bolatyn», - dedi Densaýlyq saqtaý ministrliginiń resmi ókili Dias Ahmetshárip arnaiy brifingide.
Onyń aitýynsha Almaty qalasynda taǵy úsh adam atalmysh infektsiiany juqtyrǵan.
Bireýi 1979 jylǵy áiel adam, Berlin qalasynan ushyp kelgen. Ekinshi azamat 1997 jylǵy er adam, Frantsiiadan ushyp kelgen. Sońǵysy 1982 jylǵy áiel adam.
«Osy saǵatta (20 naýryz, 08:30-da) Almatyda – 22 adam, Qaraǵandy qalasynda - 2 adam, Nur-Sultanda - 25 adam. Respýblika aýmaǵynda barlyǵy 49 naýqas tirkelip otyr. Olardyń arasynda qaitys bolǵandar joq» , - dedi Dias Ahmetshárip.
Onyń aitýynsha, naýqastardyń barlyǵynyń jaǵdaiy jaqsy.
Eske sala ketsek, buǵan deiin Qaraǵandyda koronavirýs juqtyrǵan 2 adamnyń Minsk qalasynan ushyp kelgenin habarlaǵan edik.
