ەلٸمٸزدە كوروناۆيرۋس ٸندەتٸن جۇقتىرعان تاعى بەس ادام انىقتالدى, دەپ حابارلايدى "ۇلت اقپارات".
«ونىڭ ەكەۋٸ قاراعاندى قالاسىندا - 1972 جەنە 1971 جىلعى تۋعان قازاقستان ازاماتتارى. ەكەۋٸ دە №0324 مينسك-قاراعاندى رەيسٸمەن ۇشىپ كەلگەن بولاتىن», - دەدٸ دەنساۋلىق ساقتاۋ مينيسترلٸگٸنٸڭ رەسمي ٶكٸلٸ دياس احمەتشەرٸپ ارنايى بريفينگٸدە.
ونىڭ ايتۋىنشا الماتى قالاسىندا تاعى ٷش ادام اتالمىش ينفەكتسييانى جۇقتىرعان.
بٸرەۋٸ 1979 جىلعى ەيەل ادام, بەرلين قالاسىنان ۇشىپ كەلگەن. ەكٸنشٸ ازامات 1997 جىلعى ەر ادام, فرانتسييادان ۇشىپ كەلگەن. سوڭعىسى 1982 جىلعى ەيەل ادام.
«وسى ساعاتتا (20 ناۋرىز, 08:30-دا) الماتىدا – 22 ادام, قاراعاندى قالاسىندا - 2 ادام, نۇر-سۇلتاندا - 25 ادام. رەسپۋبليكا اۋماعىندا بارلىعى 49 ناۋقاس تٸركەلٸپ وتىر. ولاردىڭ اراسىندا قايتىس بولعاندار جوق» , - دەدٸ دياس احمەتشەرٸپ.
ونىڭ ايتۋىنشا, ناۋقاستاردىڭ بارلىعىنىڭ جاعدايى جاقسى.
ەسكە سالا كەتسەك, بۇعان دەيٸن قاراعاندىدا كوروناۆيرۋس جۇقتىرعان 2 ادامنىڭ مينسك قالاسىنان ۇشىپ كەلگەنٸن حابارلاعان ەدٸك.
