Qazaqstan densaýlyq saqtaý ministrligi 11 sáýir túski saǵat 12:40-ta taǵy 19 adamnan koronavirýs tabylǵanyn habarlady. Almatyda - 9, Nur-Sultanda - 2, Qaraǵandy oblysynda - 1, Pavlodar oblysynda - 5, Shymkent qalasynda 2 adamǵa virýs juqqan.
11 sáýirge qaraǵan túni áleýmettik jelide Almatydaǵy "N12 ortalyq aýrýhanada isteitin birneshe dárigerden koronavirýs tabyldy, biraq aýrýhana virýs oshaǵy retinde karantinge jabylmai otyr" degen aqparat taraǵan edi. 11 sáýir tańerteń densaýlyq saqtaý ministrligi aqparatty tekserip jatqanyn habarlady.
Qazaqstanda jalpy naýqastar 859 adamǵa jetti:
- Nur-Sultan qalasy – 231
- Almaty qalasy – 137
- Qyzylorda oblysy – 116
- Aqmola oblysy – 61
- Qaraǵandy oblysy – 62
- Túrkistan oblysy – 35
- Soltústik Qazaqstan oblysy – 25
- Aqtóbe oblysy – 11
- Almaty oblysy – 10
- Atyraý oblysy – 45
- Shyǵys Qazaqstan oblysy – 6
- Jambyl oblysy – 46
- Shymkent qalasy – 33
- Batys Qazaqstan oblysy – 6
- Qostanai oblysy – 3
- Mańǵystaý oblysy – 9
- Pavlodar oblysy – 9
10 naýqas qaitys bolǵan. 10 sáýir túnde Almaty qalasynda koronavirýs juqtyrǵan 1963 jylǵy naýqastyń qaitys bolǵany habarlandy.
Barlyǵy 64 adam aiyqqan.
