24 jeltoqsanda Qazaqstanda 736 adamǵa koronavirýs juqqany testpen dáleldendi. Eń kóp naýqas eldegi eń iri qala – Almaty qalasynda (95) tirkeldi.
Pavlodar oblysynda 93 adamnan koronavirýs anyqtalǵan. Reseimen shekaralas birneshe aimaqta aýrý ósimi áli de joǵary. Keiinge kezde bul aimaqtarda kúnine shamamen 30 naýqas anyqtalatyn. Biraq beisenbi kúni Qostanai oblysynda – 65, Atyraý oblysynda – 62, Soltústik Qazaqstan oblysynda – 61, Shyǵys Qazaqstan oblysynda 61 adamnyń PTR-testi oń shyqqan.
Nur-Sultanda – 60 naýqas, Aqmola oblysynda - 58, Qaraǵandy oblysynda - 37, Batys Qazaqstan oblysynda - 29, Jambyl oblysynda - 15, Mańǵystaý oblysynda - 12, Aqtóbe oblysynda - 11, Túrkistan oblysynda - 9, Qyzylorda oblysynda - 4, Shymkent qalasynda 3 adamǵa virýs juqqany anyqtalǵan.
Naýryz aiynan beri Qazaqstanda 150 198 adamǵa Covid juqqany testpen rastalǵan, 2 218-i qaitys bolǵan. Bul málimetke 1 tamyzdan beri eseptelip kele jatqan koronavirýs pnevmoniiasyna shaldyqqandar enbegen. Densaýlyq saqtaý ministrligi aimaqtaǵy koronavirýs pnevmoniiasy týraly málimet jariialamady.
Amerikalyq Djons Hopkins ýniversitetiniń málimetinshe, Qazaqstanda 195 myńnan astam adamǵa koronavirýs juqqan. (Zertteý institýty Covid pen koronavirýs pnevmoniiasy statistikasyn biriktirgen).
Densaýlyq saqtaý ministrliginiń aqparatyna sensek, 25 jeltoqsandaǵy málimet boiynsha 23 627 adam koronovirýs infektsiiasynan (11 604 KVI+ jáne 12 023 KVI-) emdelip jatyr.
Olardyń ishinde 4 738 patsient statsionarda, 18 889 naýqas ambýlatoriialyq deńgeide em qabyldaýda.
KVI+, KVI- shaldyqqandardyń arasynda:
• 243 adamnyń jaǵdaiy aýyr;
• 44 patsienttiń jaǵdaiy óte aýyr;
• 39 naýqas ÓJJ apparatynda jatyr.
