24 جەلتوقساندا قازاقستاندا 736 ادامعا كوروناۆيرۋس جۇققانى تەستپەن دەلەلدەندٸ. ەڭ كٶپ ناۋقاس ەلدەگٸ ەڭ ٸرٸ قالا – الماتى قالاسىندا (95) تٸركەلدٸ.
پاۆلودار وبلىسىندا 93 ادامنان كوروناۆيرۋس انىقتالعان. رەسەيمەن شەكارالاس بٸرنەشە ايماقتا اۋرۋ ٶسٸمٸ ەلٸ دە جوعارى. كەيٸنگە كەزدە بۇل ايماقتاردا كٷنٸنە شامامەن 30 ناۋقاس انىقتالاتىن. بٸراق بەيسەنبٸ كٷنٸ قوستاناي وبلىسىندا – 65, اتىراۋ وبلىسىندا – 62, سولتٷستٸك قازاقستان وبلىسىندا – 61, شىعىس قازاقستان وبلىسىندا 61 ادامنىڭ پتر-تەستٸ وڭ شىققان.
نۇر-سۇلتاندا – 60 ناۋقاس, اقمولا وبلىسىندا - 58, قاراعاندى وبلىسىندا - 37, باتىس قازاقستان وبلىسىندا - 29, جامبىل وبلىسىندا - 15, ماڭعىستاۋ وبلىسىندا - 12, اقتٶبە وبلىسىندا - 11, تٷركٸستان وبلىسىندا - 9, قىزىلوردا وبلىسىندا - 4, شىمكەنت قالاسىندا 3 ادامعا ۆيرۋس جۇققانى انىقتالعان.
ناۋرىز ايىنان بەرٸ قازاقستاندا 150 198 ادامعا Covid جۇققانى تەستپەن راستالعان, 2 218-ٸ قايتىس بولعان. بۇل مەلٸمەتكە 1 تامىزدان بەرٸ ەسەپتەلٸپ كەلە جاتقان كوروناۆيرۋس پنەۆمونيياسىنا شالدىققاندار ەنبەگەن. دەنساۋلىق ساقتاۋ مينيسترلٸگٸ ايماقتاعى كوروناۆيرۋس پنەۆمونيياسى تۋرالى مەلٸمەت جارييالامادى.
امەريكالىق دجونس حوپكينس ۋنيۆەرسيتەتٸنٸڭ مەلٸمەتٸنشە, قازاقستاندا 195 مىڭنان استام ادامعا كوروناۆيرۋس جۇققان. (زەرتتەۋ ينستيتۋتى Covid پەن كوروناۆيرۋس پنەۆمونيياسى ستاتيستيكاسىن بٸرٸكتٸرگەن).
دەنساۋلىق ساقتاۋ مينيسترلٸگٸنٸڭ اقپاراتىنا سەنسەك, 25 جەلتوقسانداعى مەلٸمەت بويىنشا 23 627 ادام كورونوۆيرۋس ينفەكتسيياسىنان (11 604 كۆي+ جەنە 12 023 كۆي-) ەمدەلٸپ جاتىر.
ولاردىڭ ٸشٸندە 4 738 پاتسيەنت ستاتسيوناردا, 18 889 ناۋقاس امبۋلاتورييالىق دەڭگەيدە ەم قابىلداۋدا.
كۆي+, كۆي- شالدىققانداردىڭ اراسىندا:
• 243 ادامنىڭ جاعدايى اۋىر;
• 44 پاتسيەنتتٸڭ جاعدايى ٶتە اۋىر;
• 39 ناۋقاس ٶجج اپپاراتىندا جاتىر.
