QR Densaýlyq saqtaý ministri Eljan Birtanov koronavirýs juqtyrǵan úshinshi adam anyqtalǵanyn aitty, dep habarlaidy "Ult aqparat".
«Dál qazir virýs juqtyrǵan taǵy bir adam anyqtalyp otyr, iaǵni úshinshi naýqas dep aitýǵa bolady. Ol 12 naýryz kúni Milan qalasynan Nur-Sultan qalasyna keldi. Zerthanalyq saraptama boiynsha koronavirýstyq infektsiia anyqtaldy. Bul azamat kelgende, bizdiń protokol boiynsha áýejaidan tikelei karantinge jatqyzyldy», - dedi ministr Ortalyq kommýnikatsiialar qyzmetinde.
Belgili bolǵandai, protokol boiynsha Milannan kelgen áielmen bailanysta bolǵan adamdarǵa qatysty qajetti jumystar júrgizilýde.
Onyń sózine qaraǵanda, atalǵan bortta 90 jolaýshy bolǵan. Olarǵa qatysty sanitarlyq sharalar iske asyrylýda.
Buǵan deiin habarlanǵandai, Densaýlyq saqtaý ministri Eljan Birtanov koronavirýs infektsiiasyn juqtyrǵan Qazaqstannyń eki azamaty Germaniiadan kelgenin málim etti.
Sonymen qatar koronavirýs juqtyrǵan Qazaqstan azamattarymen bir bortta bolǵan jolaýshylar karantinge jatqyzylatyny aityldy.
